[0-6°C] ~ Day 8 ~ 早上到訪過幽鶴國家公園(BC省)內的翡翠湖(Emerald Lake), 中午在班芙國家公園(AB省)內的露易斯湖堡壘酒店的意大利餐廳Lago吃過午餐, 雖然晚上會下榻露易斯湖堡壘酒店, 但團友們的步伐未有因此而停下... 1:45pm 出發前往位於洛磯山脈的班夫國家公園內的硫磺山(Sulphur Mountain)... 2:40pm 弓河瀑布 Bow Falls 弓河瀑布曾是20世紀50年代荷里活電影取景的熱點, 瑪麗蓮夢露也曾在此參與電影"大江東去 (River of No Return)"的拍攝(1954年)... 只可下車不足10分鐘, 走馬看花就係咁簡單... 無緣慢步於弓河瀑布上的步道小徑沿著蜿蜒弓河欣賞咆哮湍急的瀑布... 4月尾天氣都仲好凍, 你睇我包到塊面幾實... 3:00pm Banff Gondola 班芙硫磺山纜車 由於哥倫比亞冰川的冰川玻璃橋(Glacier Skywalk)於4月及10月關閉, 行程更改為班芙硫磺山纜車(Banff Gondola)... 其實我仲開心, 玻璃橋我真係唔敢行... Glacier Skywalk是今年5月先落成, 新到住在Richmond的朋友都未聽過!!! 班芙硫磺山纜車是到班芙國家公園其中1樣必玩的頂目, 距離班夫鎮僅5分鐘車程, 每輛玻璃封閉吊艙纜車可坐4名乘客, 無論在纜車中抑或在山頂上, 都能見證山脈瞬間的變化, 體驗到六大山脈及弓河谷的迷人壯麗景色... 點擊圖片放大 +3 纜車越升越高, 我的心跳也跟著上升... 點擊圖片放大 +2 為咗1張相, 你可以去到幾盡?!! 指定動作, 團友互相幫忙影合照... 纜車好快就上到山頂了... WoW... 一瞬間的藍天白雲, 正呀!!! 觀景台位處海平面以上2281米(7486英尺), 座擁360度無與倫比的景觀... 點擊圖片放大 +6 大風雪再度來襲... 我接!!! 嘩!!! 有人"目及"o野呀!!! 感謝團友瞓身(企上櫈上)幫我地影靚靚弓河谷合照... 風雪漸退, 藍天乍現, 努力把握美好時光影多點靚相帶回家珍藏... 點擊圖片放大 4:00pm 團友要自己預時間落返山腳集合, 我地決定提早15分鐘離開... 有了上山時在纜車中拍照的經驗, 加上天公造美, 下山時在纜車中拍的照片較為漂亮... 點擊圖片放大 山頂及山腳均有紀念品店, 貨品質數不差, 但價錢頗貴, 而且欠缺獨特性, 看看便算了... 在山上我感到心跳及耳鳴, 應該是高山症反應... 各位打算上班芙硫磺山的朋友, 記得帶厚衫呀!!! 當然唔少得帶相機啦!!! 最重要檢查一下記憶卡!!! Banff Gondola客戶中心外停泊了1輛哥倫比亞冰川的大碌車, 是有點格格不入, 但仍吸引到2位無聊友去影相... Touch Wood如果聽日都去唔到冰川, 影定呢張相可以充撐吓場面嘛... 好, 我地要驅車前往班芙鎮放牧啦, 各位小肥羊團友~~~ 加國「喜行大溫」2014 の 總匯 http://www.kenmerry.com/2015/01/Vancouver-Canada.html
