[8-11°C, Light Rain] ~ Day 2 ~ 前文提要... 第1日到埗, 朋友車我地買電話卡, 去佢屋企參觀, 去漁人碼頭遊覽, 去怡園食晚飯食飽飽就車我地返酒店... Honey同我沖完個熱水涼便倒頭大睡, 接近30小時無瞓過, 我由11PM瞓到3AM, 4AM再瞓到9PM, 完全失去知覺!!! 約咗朋友兩公婆10AM飲早茶, 匆匆忙忙梳洗一下就落Lobby會合... 朋友車咗我地去酒店附近行都只係幾分鐘的置地廣場(Continental Shopping Centre)... 好好笑, 去到加拿大列治文真係到處都係熟悉的名字, 好A貨Feel~ 當我見到龍景軒3個字, 大叫"嘩, 全球唯一米豬蓮3星中菜喎!!!"... 哈哈... 超低能, 勁搞笑... 其實明知唔會係香港Four Seasons果間... 店內的裝修都幾骨子... 一踏入店內店員即以純正廣東話招呼, 服務非常欣勤... 朋友的太太解說, 在列治文好多人都係退休人士, 見悶悶地就1星期走出來做幾小時Part-time, 所以好熱情, 當地人1個人有幾份兼職都好平常... 隨便點了幾個點心, 新產品紫薯批好好味, 勁香甜的紫薯味... 其他的點心都好有水準... 純正香港口味!!! 芝士焗紫薯盞 CA$3.75 (約HK$26) XO醬炒蘿蔔糕 CA$7.95 (約HK$56) 菜乾鹹排骨粥 CA$6.95 (約HK$49) 蠔皇叉燒包 CA$4.99 (約HK$35) 醬汁蒸鳳爪 CA$4.99 (約HK$35) 潮汕滑粉果 CA$4.99 (約HK$35) 加埋每人CA$1茶錢... 合計CA$37.62, 但有8折... (星期一至五, 中午12點前結賬點心8折) 加埋GST CA$1.69... 埋單CA$35.55 (約HK$250), 未計要另外再比最少10%的Tips... 價錢都幾相宜, 坐得好舒服, 環境好寧靜, 得幾枱客, 全部講廣東話, 哈, 一時唔為意仲以為自己仲係香港... 離開時開始下雨了...下足一整天... 朋友提到她的女兒經常9PM後先出門口到此商場的圓香生活餐飲(Pearl Castle Café )同朋友飲珍珠奶茶吹水~ 朋友的太太要返工, 朋友車咗我地返酒店, 我地再重整一下行裝就出發去Down Town尋找Hop-On Hop-Off Tour Bus喇~ Urbanspoon的Link :- http://www.urbanspoon.com/r/14/1484910/restaurant/Vancouver/Richmond-Central/Dragon-View-Chinese-Cuisine-Richmond 是次每人消費約 HK$65 元 味道: 4 環境: 4 服務: 4 衛生: 4 抵食: 4 ### 地址 : #1298 - 3779 Sexsmith Road, Richmond, BC V6X3Z9 電話 : (604) 241-8828 加國「喜行大溫」2014 の 總匯 http://www.kenmerry.com/2015/01/Vancouver-Canada.html