由於行程計劃倉促, 都冇時間慢慢揀酒店, 只求其搵咗一間比較平(其實一點也不便宜)但又近Adelaide Railway Station的... (因初時一心諗住大車站機鐵一定到, 點知原來冇機鐵的!!!)住咗幾日, 有好有唔好, 都少少後悔, 下次應該唔會再入住呢間酒店... 先講講佢唔好的地方, 然後再講講佢好的地方... ~~ 罪狀1 ~~ 扮便宜!!! 同一間酒店, 原來有分3星房同4星房!!! 3星房價錢係平, 但超細間, 行李都冇位放, 細過東京的酒店房, 而且係對後街紅燈區, 所以夜晚會超嘈... 4星房價錢拍住隔離間5星酒店, 好後悔, 發現時朋友已轉了一次酒店, 唔可以再轉... 我地又冇理由自己住5星, 迫住繼續Book呢間... ~~ 罪狀2 ~~ Dirty!!! 第一日Check-in完一入房, 開書枱橙, 唔知係邊樹跌一堆塵落我塊面同個身度, OMG!!! 之後日日都呼吸到好多塵埃, 搞到個鼻脹晒, 坐內陸機去墨爾本時Ear Block勁痛!!! 我住果層仲有工人油緊地腳線... 間房上個月完成翻新, 但冷氣出風位無執, 污濁又生銹... ~~ 罪狀3 ~~ 房門無防盜鍊!!! 無Door Lock!!! TERRIBLE!!! 20號朝早9點, 仲瞓緊, 有人拍咗幾下門, 我地都未來得切起身, 只夠時間睜開眼同埋問Who, 度門已經打開咗!!! 好恐怖呀!!! 好彩我地每一晚都搬張梳化去頂實度門, 再加埋書櫈, 都頂唔晒, 露出1-2CM左右的門縫... ~~ 罪狀4 ~~ 死都唔Refill Face Tissue!!! 留晒便條, 第3日都唔Refill!!! ~~ 罪狀5 ~~ 茶包選擇小!!! 只有Black Tea, 無Green Tea!!! ~~ 罪狀6 ~~ 床唔好!!! 床都無Lock, 一坐上去成張床移開... 床褥無Support, 枕頭又硬, 4晚有3晚瞓得唔好... ~~ 罪狀7 ~~ 嘈!!! 酒店前面係Casino, 酒店後面係紅燈區, 想清靜少少都難... 如要比較寧靜的房間就無View, 只可望到中空的幾呎死胡同... 就算唔要View, 都會幾嘈, 因為機場實在好近市區, 不時有飛機升降嘈音, 呢個問題就全市中心都有... ~~ 罪狀8 ~~ 用咗超過HK5000係度住, Lobby Free WiFi都只可以1日用得8MB, Upload 2張相去Facebook都Up唔到, 之後就已經唔可以再上網!!! ~~ 優點1 ~~ 員工友善 ~~ 優點2 ~~ 地點方便 ~~ 優點3 ~~ 房比我Expect的大, 非常簡約, 厠所都幾大, 大到我可以洗衫... 人生第一次係旅程途中洗衫... 澳洲「野生探索」2013 の 總匯 http://www.kenmerry.com/2014/07/2013.html
