4-2-2017 5-2-2017 6-2-2017 DAY 3-4 由茵萊湖去蒲甘 大約要坐八個鐘車 Day2嘅夜晚七點半上車 Day3嘅凌晨三點半到達 蒲甘主要分咗三個區域: 良烏 老蒲甘 新蒲甘 良烏就係長途巴士站同埋機場 所以落車並唔係真係到咗蒲甘 要搭的士去返自己間酒店 . . . 凌晨到達良烏巴士站時 唔使擔心黑蚊蚊同好靜 因為巴士站附近非常熱鬧 特別係一見到遊客落車 就成堆的士佬過去爭客 時間尚早 我就建議大家唔好咁心急返酒店住 大家可以去巴士站隔離間餐廳叫杯奶茶暖下身先 到啲的士司機劏客劏得七七八八 淨返仲未有客人嘅司機就會擔心冇生意 呢個時候你就可以瘋狂殺價 May Kha Lar Guest House 我間hostel係位於老蒲甘 到我搭的士去到嗰陣先凌晨四點半 基於安全理由 蒲甘好多Hostel同酒店都唔可以24小時自出自入 所以我都算係摸門釘 喺條無燈同埋有好多隻狗吠嘅街到等咗半個鐘 先有人嚟開門 而且太早仲未可以check in 唯有寄存咗個行李先 同老闆吹左陣水 先知道點解要咁早開門 因為啲遊客開始起身睇日出 而佢都幫我租咗架電動車去睇日出 我架車 租o左2日 Bagan sunset/sunrise temple 蒲甘嘅夜晚更加凍 揸車揸到隻手都僵曬 加上呢度啲地下唔似台灣 呢度全部都係沙石 所以好容易跣呔 Google map又成日都定唔到位 好彩後尾我跟住個鬼佬先識路去 同Inle Lake一樣都係要買Zone Ticket 其實都係保育用途 蒲甘有萬塔之城嘅稱呼 係因為曾幾何時呢度有超過2萬座佛塔 但係經歷過戰爭同天災嘅洗禮 而家淨返二千幾座 因為幾年前蒲甘大地震 所以好多佛塔仲修復緊 雖然我去嗰陣好多佛塔頂修復緊 但係依然可以行上有啲佛塔睇日出日落 但聽聞而家好多佛塔已經禁止遊客攀上 全球十大日出 - 蒲甘 點擊圖片放大 +4 較返做無背光比大家睇 肉眼睇比相機影出來更加震撼 相機嘅背光絕對呈現唔到真實 蒲甘日出的美 在於大塵 令到成個環境變得黃黃地 加埋熱氣球升空同佛塔 難怪佢被列為全球十大日出地方 如果有錢嘅話可以試下坐熱氣球 但聽聞呢度嘅熱氣球好貴 同埋熱氣球睇日出冇上佛塔睇咁靚 亞洲三大宗教遺址 - 蒲甘 真係沙石地 睇完日出之後就返咗hostel附近食早餐 之後老闆話可以check in 咁我就返去沖涼瞓覺 呢間hostel其實係我前一日先book 都幾乾淨 . . 我喺蒲甘留咗兩日 租o左架E-bike兩日 喺老蒲甘同新蒲甘周圍去影相行佛塔 喺度每一座佛塔都有好獨特嘅壁畫同埋故事 好多佛塔嘅寺主都好好人 比人任影相同講故事 haha 因為我喺呢度穿梭咗好多地方 所以啲地方名同埋經歷都唔係幾記得咗喇 反正我就係好鍾意蒲甘 下面就用相片來表示吧 緬甸菜式 Bagan main road 點擊圖片放大 +4 飲咗好多椰子水 揸咗去個內陸海 人生第一次坐馬車 點擊圖片放大 蒲甘皇宮 意大利人開嘅薄餅舖 山寨7仔 入咗個草原 呢兩日入面真係參觀咗好多佛塔 而且喺呢啲山卡啦地方自己揸E-bike周圍去 好有一種冒險嘅感覺 喺蒲甘影咗好多相 再睇落去都驚大家悶啦 我同尼兩兄弟真係好有緣 第一日睇完日出之後 畀佢哋sell我買紀念品 我同佢哋講再見面先幫你哋買 到第二日嘅下午準備走嗰陣 竟然畀我喺第二個位置撞番佢哋 所以我主動幫佢哋買咗十張明信片 同埋畀咗張十蚊港紙佢哋做紀念 因為佢地同我講過 好鍾意儲唔同國家嘅錢 . . 同佢哋告別完 我就返hostel拎返行李 等JJ Express嘅接駁巴返長途巴士站 (唔知點解回程有接駁服務...) 然後就坐巴士返仰光啦 總括而言 蒲甘雖然睇落好悶 但直到而家依然係我最鍾意嘅地方 Day 5 蒲甘 - 仰光 10hrs 官方車程話要十個鐘 但其實九個鐘就已經到達 大約凌晨五點鐘到達長途巴士站 JJ Express安排咗一架小巴送遊客出市區 車程大約40分鐘 出到市區之後我真係太眼瞓喇 所以決定搵個地方瞓下覺先 於是隨便walk-in咗一間酒店 (網上圖片) 呢間酒店住半日大約六十蚊港幣 沖完涼就瞓到死咗啦 瞓咗幾個鐘之後就check out咗 準備去埋最後一個景點就返香港 點擊圖片放大 大金塔 緬甸仰光最出名嘅景點係大金塔 名副其實呢度嘅所有塔都係用金打造 同樣都係要買入場費 要留意嘅係 呢度有啲人會扮寺廟僧侶 再行過嚟話免費帶你遊覽 又會扮到同你好friend 再幫你去祈福 到你走嗰陣佢就會問你拎錢 我就係其中一個中伏嘅人 ***溫馨提示*** 喺緬甸所有嘅宗教地方都要赤腳 唔比露膊、條褲要過膝 去完大金塔之後 5日嘅緬甸之旅結束 出機場搭下午嘅飛機返香港 右邊掛住個袋仔係長頸族整 仰光國際機場 呢五日嘅行程眨下眼就結束 到依家我都好唔捨得緬甸 第一次去咗一趟充滿文化嘅旅行 第一次坐30個鐘巴士 相信有一日會有第二次 完
