28-10-2018 第一日嘥咗好多時間搭車 第二日終於開始去玩la 琴晚9點半就瞓咗，對於平時瞓得幾個鐘嘅我已經好足夠 所以今朝五點半就醒咗啦 :) 天氣好到爆炸 晨早流流醒咗都冇嘢做 瞓到七點鐘就決定出去搵車 去台東市區食早餐 巴士時間表 台東啲巴士絕對唔同香港一樣 呢度嘅巴士走o左架可能要等成個半鐘先有第二班 所以一定要影低個時間表等車!!! 等巴士ing....太陽有! 藍天白雲都有! 等咗3個字左右...終於有車 架"巴士"同香港嘅小巴一樣 唔知係咪因為淡季，成程車都得我一條友... 台東轉運站 台東轉運站即係台東舊火車站 呢度就真係台東市區啦 由台東車站o黎市區大約5km要坐20分鐘車 一落巴士就會見到舊火車站嘅原貌 喺度影咗幾張自拍haha 同hostel老闆娘講o既一樣 市區的確熱鬧好多 早點大王 因為要趕巴士嘅關係 所以求其點咗杯豆漿、胡椒餅同埋煎餅夾蛋 呢間鋪真係好旺，好多台灣人嚟幫襯 到我走嗰陣已經買曬胡椒餅.....大推!!~ 台東轉運站 (網上圖片) 如果唔係自駕遊，就一定要坐巴士玩 台東轉運站亦都係鼎東客運同其他巴士線嘅總站 所有景點嘅巴士幾乎會喺度搭到 我今日要去嘅地方就係「海線」 若果剩坐「台灣好行線」，可以買1 day pass 但係我想個行程彈性啲，所以都係用悠遊卡比錢算，可以搭埋其他客運 途中風景 都係個句...留意巴士時間表 好重要!!! 特別係「台灣好行線」...一日得4-5班車!! 途中風景 今日嘅第一站就係台東三仙台 去三仙佢嘅交通只有「台灣好行線」，而且係總站 大約9點係轉運站開車....11點先到...要2個鐘! 急尿到想死 最衰杯豆漿 一落車就畀啲風打到塊面就嚟扁 啲風大到阿媽都唔認得 見到下架車係2個鐘後就放心 有大把時間行 靚仔的我 見唔見到我啲頭髮斜哂? 啲風吹到成個人爭啲仆_! 仲要吹到啲沙同埋浪變成水滴打埋嚟 痛痛地 -,- 幾米高o既浪 前往三仙台 側面睇落更加靚 60台幣的午餐 個頭畀啲風吹都差唔多甩出嚟 行完影完梳洗完...仲有成8個字先有車 所以整番碗滷肉飯同旗魚丸湯醫下肚 下一站-都蘭糖廠 o黎到都蘭糖廠已經2點半 都蘭糖廠前身係製造紅糖嘅工廠 不過而家已經結束咗業務改為文創園區供遊客參觀 入面有好多本地嘅藝術家展覽同埋售賣手工藝品 因為尊重佢哋 所以我都冇影到相 行完都蘭糖廠之後 有排都未有巴士 咁啱見到下一個景點只係相差10分鐘路程 所以就沿住馬路邊行過去 水往上流 (網上圖片) 呢個景點其實冇乜嘢睇 同佢個名一樣 就係睇啲水向上流動 um....雖然係奇觀但係有啲無聊 . . . . 之後...本身諗住搭車去森林公園 嗰度有得租單車踩...同埋有個湖影相幾靚 但係我搭錯巴士直接返台東市區!!~ 返到市區已經開始天黑 所以就直接去搵嘢食了 來來牛排 - 白蘭地牛排 行咗一陣之後就見到有間牛排館好似幾吸引 於是我就行入去...店員第一句就係問我有冇book枱 因為我去嗰陣係5點半 所以仲有好多吉位 入到去點咗最貴嘅套餐-火燒白蘭地牛扒 三成熟正到痴線>< 意粉仲可以加量!! 套餐包埋沙律 酥皮湯 牛排 甜品 同埋凍茶 埋單只係500台幣 抵到爛!! 到我走嗰陣已經爆咗場 食完飯就係時候要去消化下 行返去台東轉運站期間 會路經一個音樂聚落 - 鐵花村 入黑之後好多街頭藝人表演 最受歡迎的環節就係唱歌 每位表演者唱歌嗰陣都會講埋自己嘅故事 非常勵志 打卡熱點 - 鐵花村熱氣球 晚上7點半....乘坐尾2班次的巴士 返hostel 給親友們 DAY 2 完 感覺是非常輕鬆的一日 從未試過咁慢活嘅旅程 DAY 3 待續...
