如果你問邊個最需要減肥、緊緻妹妹、KO腰痠背痛同收埋返腹直肌......同時有以上4種需求嘅話，唔洗問肯定就係產後媽媽！唔係講玩呀！生一次仔真係好似全個人散曬架咁，直頭自己都認唔到自己！呢個時候就覺得男人唔洗生真係好唔公平！我係自然分娩，分娩完根本就係馬不停蹄咁湊仔、完全無停過，之後又開始返工又盛，生完3個月之後我先開始有啲時間進行所謂「產後修身」，我望住塊鏡，好似從頭到腳度度都要執，我真係好崩潰......我頭髮又少又油又貼，洗完頭都係差唔多！對胸又有妊娠紋、個肚有紋仲要好似煎餅咁又鬆又垂......手臂、大脾同Pat Pat都勁粗壯......我睇完又睇忽然悲從中來，於是跪喺塊鏡面前喊左陣（真架），我老公話我係咪有啲產後抑鬱？又話比錢我去做咩產後修身減肥療程，叫我去做啦如果咁會令我開心啲。雖然我無左自己，但好彩個老公都仲OK，話就話用佢嘅錢唔洗就住就住，但我都要貨比三家架嘛！第一間我就去左Dr Reborn試佢地個肌緊30！我知道肌緊30好似好多度都有？但Dr Reborn比較吸引我嘅一點係佢官方寫明同一部機?(定同一間廠機?因為其中一個係幸福椅)就有4個功效，我估即係買左Plan之後扣格仔定點，可以指定每次都做唔同位，即係可以減完個肚腩就去坐幸福椅去緊緻妹妹、又可以用機去鬆一鬆腰背肌肉？估都無謂，直接上去Dr Reborn做最實際！肌緊30好唔好?我填表預約先發現係分開4個唔同選項，分別係（官網拎落黎嘅）：試做價 $380 (增肌減脂)試做價 $380 ( K.O痛症)試做價 $380 (私密緊緻)試做價 $1,088 (增肌減脂1次+K.O痛症1次+私密緊緻1次)即係可以按自己需要去揀，每樣都係$380，而且好似話只要上去試完兼Like fb就可以有個紅光離子按摩器(睇落去好吸引咁)！不過睇到咁我就有啲Dr Reborn懷疑個Plan其實唔可以轉黎轉去，即係要分開買Dr Reborn「肌緊30」增肌減脂 Plan 10次、「肌緊30」K.O痛症 Plan 10次咁......唔緊啦，總之上去試左就知！我最後係揀左增肌減脂，雖然唔係太明同大熱嘅Emsculpt有咩分別......療程一開始其實就已經唔關個治療師事，哈哈哈，話上黎做機就真係買部機嘅時間，唔係買人嘅時間......個療程係咁嘅，一兩句就可以講完，我換衫瞓上床，拎高上衫露個肚腩，而治療師就去set機，肌緊30部機頭係非接觸式嘅，就好似連棍嘅飛碟咁，擺喺個肚腩位置上面，唔會接觸到任何肌膚，然後我就可以合埋眼抖抖，治療師會較暗房燈然後出去比我瞓下......因為肌緊30係非接觸式，所以我本身以為唔會有咩feel，但其實都有少少，會一直覺得肚皮個位有啲抽抽下，好似真係接駁左電流咁，啲肚肉會跳跳下，但就唔會有咩痛感.....做肌緊30部機個感覺唔係好受又唔難受嘅，有啲奇怪咁囉哈哈哈畢竟係啲肉自己係度跳。瞓係度抖下時間過得特別快（有細路之後所有Me Time都好珍貴又過得好快呀），話咁快就二十幾定三十分鐘，咁個治療師就又入黎熄機，又影左張做完肌緊30之後嘅相。我諗佢都係為左比Before 同After相比顧問，然後等顧問sell我？老老實實，有好多Blogger?打手?話做完肌緊30之後立即可以見到個肚縮左、腰線又出返曬黎盛盛.....首先我覺得比個肚出得鏡個啲KOL根本就唔肥！個肚扁到咩咁，目測條腰都唔到3字頭，就算有妊娠紋都係得個幾條，根本同正常普通產後媽媽師奶係蚊脾同牛脾！我睇佢地根本就唔需要比咁多錢去做減肥收腹咩肌緊30療程，其實去做多啲運動、落街跑多兩三圈就咩都掂曬啦！顧問果然就同我講，你睇下做完肌緊30之後係咩瘦左又緊左又扁左又盛盛盛盛......我睇返個治療師影嘅前後對比相，深切覺得真係影相都係一門學問，究竟個妹妹點影先影到前後對比咁唔一樣?高炒?我就同顧問講我做完肌緊30無咩感覺，顧問話張相唔會呃人嘅，你上黎都係想減返個產肚係咪？咁我就同佢講一黎、做完我覺得無咩fu，二黎、就係脂肪其實唔係水分，你咁有誠意比人用三百幾蚊去試2、30分鐘，其實都知道要做夠時間、攤得夠耐先有減肥效果，咁我都要比時間啲脂肪代謝，脂肪代謝唔係一做完就立即睇到架喎......你都要比我返去等多幾日或者一星期睇下肌緊30個減肥效果架？咁顧問之所以係顧問，就係因為佢地唔會放棄，就算聽得明你講野都要扮聽唔明、都要死纏難打同扮蠢！佢話其實做1次梗係唔會有減肥神效啦，但係你睇返張相係真係frim左，連腰線都出返黎，做多10次就會減曬個肚腩、收返個腹直肌......我堅持返去等多一星期睇下肌緊30效果點。佢堅持如果我唔繼續做落去，連呢次試做嘅減肥功效都會曬架！梗係要keep住做！因為我都好唔鐘意佢太hardsell，最後都係無買到就走左......我決定都係唔好聽咩「絕不硬銷」，因為上到去係唔係都一定會hardsell，又送呢又送盛等你好有愧疚感就會買，不過而家好似就唔興再bodyshame……不過到最後提都無提要送個紅光離子按摩器比我囉！第二間去試就係Perfect Medical，即係S6 溶脂修形療好唔好！無他！因為老公話比錢我買療程，我梗係要試到啱心水為止！咁都試左Dr Reborn，跟手都唔好同我老公慳去試街坊小店，直頭去間同Dr Reborn差唔多嘅龍頭大佬店Perfect Medical！Perfect Medical嘅網上討論度其實同Dr Reborn係差好遠，可能因為廣告打得勁，所以討論熱度都高好多，咁有好有唔好啦，因為評價好兩極，我覺得可能要睇彩數？就係要睇下個間店同治療師有無經驗、手勢好唔好，我聽人講話去打斑除左睇係咩機仲要睇治療師手勢，因為治療師手勢個效果可以差好遠......今次上去都係試減肥，雖然我有十萬樣野要執，但都係個肚腩最令我心煩......而且我搵親嘅大型美容店都有曬生髮、增肌減脂、減痛症同幸福椅個啲療程，等我如果揀定嘅話就可以一次過買曬Plan，從頭到腳咁執返曬。咁Perfect Medical個減肥療程就叫S6，係熱激光減肥療程，其實如果你話似肌緊30個隻，佢地都有Emsculpt，不過Emsculpt真心貴，好似連免費試做都無要俾幾舊水優惠價試做，所以孤寒如我就試左S6先，因為唔洗錢哈哈哈哈循例去到都係個啲野，然後S6個減肥療程同之前肌緊30其實好似，都係靠機多，即係個治療師唔太洗做野嘅，首先我換衫訓低之後就會清潔下個肚皮、清潔下個機頭，之後開始用個有吸啜感嘅機頭不停又搓又轉又盛咁按摩個肚，治療師話推鬆肌肉、推散脂肪之類？我都唔係太清楚.......揉完轉完一大輪之後就可以上重頭戲——S6 低能量生物激光！官網同其他Blogger講我就睇得多，唔知究竟係咩感覺呢？唔同肌緊30用電磁場定盛，呢個激光係直接將部機擺上肚，係貼膚嘅，所以佢地清毒清潔其實都睇得出係做得好仔細好用心嘅，呢點都幾抵讚！擺好機問我有無唔舒服或其他問題之後治療師就走左，淨返我一個係度玩手提，其實我都可以訓覺，不過我要開心share仔仔啲得意相哈哈哈同肌緊30一樣，無咩好大感覺，會feel到個肚位熱熱地，係舒服個種熱，但就唔會好似通電咁跳跳下、抽下筋，我諗應該係所謂嘅激光能量「直達」肌底，其實都幾舒服......好快就過左30分鐘，治療師入黎幫我拆機！跟住就可以返去見顧問！顧問就問我感覺點呀、舒唔舒服個啲，咁當然，其實又係同之前去Dr Reborn做嘅一樣啦，我都同佢講療程本身係舒服，不過我就要返去睇下個減肥結果點先啦！咁顧問循例又比Before同after圖我睇，不過呢間就無Dr Reborn咁Hardsell，好可能係因為佢地係免費試做，出面成串客人等緊呱？之後佢都有同我講話如果想買Plan或者有咩問題都可以搵返佢......跟住我就走左，返去留意下做左一次S6其實有無用，連我老公都問我點解我搞成個星期都仲未買Plan，啲男人真係當錢唔係錢，唔識貨比三家架喎！最後我決定買10次Plan 試S6 溶脂修形好唔好！雖然顧問話做完激光溶脂溶左嘅脂肪會隨新陳代謝排走，話個減肥效果會慢慢出黎比我睇到......當時其實我都唔太信做一次會有咩效果睇到，最多都係排水腫，但我都有日日去度下條腰嘅。估唔到大概做完s6嘅第4日就有啲野睇到，其實唔多，條腰瘦左少少......0.5cm度啦。其實衰啲講，去多一次廁所、去多次便便都無左呢個數，不過我又觀察多左2日，個腰圍數字都好固定，所以我都八成確定係個S6嘅功效！如果我可以唔洗節食、維持正常飲食但係瘦到肚腩，咁都幾好呀？同埋S6 做10次其實唔貴，我就打算買左佢先，跟住再睇下Perfect Medical有無其他減肥療程咁我就可以加碼！雖然Perfect Medical好似無入肌緊30，但佢地都有增肌減脂嘅Emsculpt同埋其他減痛症療程......總之我個關於Dr.Reborn 同 Perfect Medical 嘅減肥療程Report暫時去到呢度，等我買完、做到咁上下再返黎同大家講下有咩Result，可唔可以收到我個產後鬆弛嘅大肚腩！ 免費體驗 Perfect Medical S6 溶脂修形療程
