Book左9點既student agency去ck，喺student agency個網到，你會見到布拉格有好多個巴士站，但係去ck，就只可以喺Prague, Na Knižecí到出發，車費7.5歐包一杯熱飲，車上面有廁所有戲睇，唔駛轉車直達ck，呢個價錢抵啦。三個鐘頭都唔駛，就去到Český Krumlov, Špičák啦（我地間酒店近呢個站多d），落左車後u turn兜上斜路，向前行一小段路，就會見到個好似史力加城堡咁既入口。 首先去左酒店放低行李先，與其話係酒店，不如話佢係一間民宿，無lift無冷氣，但係民宿主人都會幫你搬上搬落，所以無lift都無問題，我反而擔心無冷氣，話哂我都係8月尾去，無冷氣唔知會唔會熱到瞓唔到，但係出奇地間房一d都唔熱，係沖完涼覺得有少少焗，夜晚開窗瞓出面好似開冷氣咁，d風吹入黎好舒服。 Lunchtime，喺Google map搵左間評分唔錯既餐廳，Papa's Living Restaurant，d野幾好食，最正係個環境好有慢活既感覺。（我真心覺得用Google map搵餐廳真係好靠得住，因為世界各地既人都會俾分同comment間餐廳，d評分有足夠既可信性，又有真實食物相可以睇，雖然trip advisor既餐廳有埋排名又分埋菜式，但係好多時個城巿太大，你揀啱果間餐廳原來唔近你位置，有時仲可能要搭成個鐘車先去到） 點擊圖片放大 +2 跟住我地就去左ck castle，首先要買入場券，入場券有上塔頂/博物館/語音導覽多個組合，我地買左淨係上塔頂既入場券100czk，行左15分鐘左右就上到塔頂。 塔頂景色 玩kayaking既人 落番黎地面，個天都開始暗，就去左好多人推介既地窖餐廳，好彩出發前book定位，真係好多人等位，walk in果d全部都要等到9點後先有位，如果唔想等，記得book定先啦。d野食就係喺中間果個爐到燒架啦，火光熊熊氣氛好好，我地嗌左大蒜湯，pork ribs同pork knee（嗌錯左，pork knee d肉好鞋口，仲鞋過煲湯瘦肉，應該嗌pork knuckle的，至於ribs就非常好味） 點擊圖片放大 +2
