要欣賞伊斯坦堡景色,梗係要上黎金角灣山坡墓園上面既Pierre Loti Cafe啦。由山腳搭纜車上黎,唔駛五分鐘。第一眼見到有個觀景台,可以飽覽哂全個伊斯坦堡。 再行入啲,會見到Pierre Loti Cafe。Pierre Loti既故事: 皮耶·羅逖曾到訪過伊斯坦堡,並與當地的一位女孩相戀。相傳他們曾在山上的露天咖啡館一起品嚐土耳其咖啡。然而這段戀情始終無法開花結果,後來皮耶·羅逖回到法國,但始終無法忘記那位女孩。十年後,皮耶·羅逖回到伊斯坦堡,企圖找回那位女孩。可惜,皮耶·羅逖得悉那位女孩早已離開人世。現在,那間咖啡館依然在營業,不僅成了旅遊景點,更是當地情侶的談心聖地,美麗景致加上動人故事,至今依然吸引不少旅客。(From Wikipedia) 好多韓國或者日本旅行團會帶團友上黎呢度,嗌左杯Turkish Tea同Turkish Coffee,仲有個pancake,可以揀cheese或者potato。 土耳其人飲Turkish Tea係落糖既,一包入面有兩粒小方糖。一粒糖已經好夠甜,因為杯茶好細杯,土耳其朋友落左兩包,佢話佢地每次傾計通常飲三至四杯茶,跟住會飲杯咖啡。三四一十二,咖啡又落兩包糖,一餐已經至少十六粒糖啦。 呢度影相真係好靚,坐下坐下,咁就過左一個早上。 之後我地就落番山啦,落山可以搭纜車,或者,行落山。經過Pierre Loti Cafe,後面有條小路,沿住行可以落番山腳,呢條小路沿途都會見到好多墓碑。(冇影相) 啲墓碑密密麻麻睇落都幾逼,原來呢度都有土地問題。土耳其朋友話佢地係會將成家葬埋一齊,佢地會掘得好深,第一個埋左落去之後,當要埋第二個落去,佢地會掘番啲泥上黎,再埋第二個人落去,跟住又埋番啲泥,如此類推,直到埋到無位,或者已經一家團聚。所以墓碑上面會有好多個名,我睇到有個仲係18XX年已經係到住添呀。