竟然忘記今日係佛誕假期，芭蕾舞學校放假，榛子爸爸，Baby Hazel與我白行一趟，非常抱歉，當然他倆已經習慣我這矇查查的榛子媽媽啦! 閒逛Log on 買了個新的鬈髮器，非常輕巧，簡直旅行必備，價錢HKD139，25mm,快熱，但無温度調較，主要用途是日常髮尾位置，開頭以為鬈髮位短，要花長時間才鬈完，但手感好，不太花時間，耐用就未知，保佑長命百歲………… 叉電時間又到，今次到太古東達中心11樓KC cafe，剛開鋪未有其他人客。 咖啡是用韓國的，Americano濃度一般，但勝在夠熱，點了熱紫薯Latte （無咖啡成份）, 有紫薯溶係底感覺似紫薯糖水，加上心心圖案，甜甜的窩心，反而令人想訓。 Baby Hazel的cookie n cream 碎冰，睇相就知飲得開心，加上店長非常貼心播my little pony, 即時乖乖啦，我倆老安心手機加泡菜吞拿魚韓國壽司完全無問題。 到了下午皮影戲綵排時間，原來Hazel對劇本，角色，綵排，配音，出場離場完全不懂。哈哈哈，我超開心，飛雲係機會啦！續樣講，Hazel負責劇中孫女的小角色，有對白同控制戲偶出場離場，Good!榛子媽媽負責兩個角色配音，照稿讀，太完美!Hazel 勤力認真，就算下星期演出如何榛子媽媽都覺得你叻叻叻！
