Baby Hazel晨運去攀石，平時牙擦擦在學校攀石能爬到好高，嘿嘿，我睇你爬得有幾高！在Groupon購買柴灣青年廣場六樓Just Climb，68元試堂一小時有教練指導，今堂總共有三個小朋友，雖然Hazel未夠4歲但應該可應付，姑且一試，地方比較細，但阿sir有耐性，在場另外兩位外國小朋友，阿sir都可中英翻譯對答，清楚易明，安全措施亦足夠。 點擊圖片放大 回家休息一會，因為玩具反斗城今日開始發售迪士尼人物lego公仔，我們中午到太古分店但售貨員說一早售罄了，我們只好到灣仔行街睇玩具，五一勞動節，街上人好多，榛子爸爸變成抱抱爹爹，抱起三十幾磅的Hazel逛街，力的表現辛苦曬！行經廈門街La Rotisserie，鋪頭細細只有兩張小吧枱但看到爐裏一串串燒雞，即刻點了燒雞半隻，雖然不夠滑，但非常香，Baby Hazel超喜愛。
