又來到曼谷超級人氣酸辣湯麵店【Jeh O Chula】，唔駛排隊就係任性D😜✌，事關這間超級長龍食店，就算本地人閒閒地都要等上三四粒鐘先有得食，有圖有真相，由街頭排到街尾，冇來過都不會信條人龍的誇張法！上次出post好多朋友都問只係即食麵啫，駛唔駛專登去排隊食呀…其實最初 @keithkkku 都係咁諗，但試過後發覺真係有其獨到之處，當然如果要排咁耐隊又另作別論啦！宜家俾少少錢唔駛排隊就梗去試啦！ 🔹米芝蓮推介網紅名店，一碗酸辣即食麵成為其風味名物，其實還有其他小炒菜式供應，質素也不俗。 🔹 街頭風味，上菜快冇裝修，座位亦較擠迫，但食物用料十足就毋庸置疑，夠地道才更額外吸引。 🔹 由於屬地道小店，大部份員工都是以泰文為主語，落單有時會遇到困難，但好在老闆英文甚至中文都可溝通得到，落單快而準但就較繁忙，所以最好想好了全部菜式才叫佢落單。🔹價格在泰國算中間定位，在港人眼中直頭抵食，以名氣來說更算合理，難怪吸引咁多人慕名而來。 🔹 由白頭婆婆主理，一把年紀仍然活力十足，在廚房內走來走去，事無大小親力親為，是為生招牌之一。🔹重中之重~~現在唔駛排幾粒鐘都可以食到呢碗人氣正麵，只係每人俾多二十元左右，作為遊客可以慳時間去多D地方，絕對值得！(詳情留意上一條短片和下面網址)https://www.instagram.com/reel/Ck5K3mup5O6/?utm_source=ig_web_copy_link&igshid=MzRlODBiNWFlZA== 🐟蝦餅 THB$100，賣相薄薄的不似平時食開那種厚彈，沒有上麵包糠少了香脆卻同樣炸得金黃，入口微脆煙韌富嚼勁滲著淡淡蝦香與香料味，與一般食到的口感截然不同，香口惹味，送酒一流。 🐷脆三層豬腩肉(炸脆豬肉-細) THB$100，炸豬腩肉半肥瘦外脆內鬆軟，肉味濃郁冇臊味，一貫泰式Crisy Pork的美味，但就更為酥脆甘香入味，亦是必點菜之一。 🍜酸辣蟹肉什錦方便麵 THB$850，份量超巨型用「面盆」盛載就仿如矜貴版韓式部隊鍋，橙紅湯底酸香濃郁，帶著冬蔭功的影子，入口酸辣度剛好富泰式風味，配餸當然亦十分豐富，蟹件、脆豬腩、大蝦、魷魚、肉丸、生雞蛋、蔥花和青檸片排得滿滿的，賣相引得大家都口水流！首先將全部配料撈勻，每樣都做得不錯，蟹件不用剝殼啖啖肉夠鮮甜，脆豬腩吸過湯汁半脆半腍又另一種滋味，大蝦爽口肉丸彈牙；湯汁掛上滑彈麵條，鹹酸微辣，醒胃惹味，讓人食完一碗接一碗，完全將即食麵層次提升了，難怪如此受歡迎。 炒空心菜 THB$50，通菜以蒜蓉椒絲炒香，味道濃香爽口夠鑊氣，有點泰式「飛天通菜」的影子，最後來點菜蔬是必要的。今次因為中午吃得太飽所以未能盡試珍味，只是點了幾款必試和想吃的，唯有留待下次再戰，觀乎附近客人的餸菜同樣吸引，實在讓人期待。 📍Jeh O ChulaAddress: 113 ซอย จรัสเมือง Rong Muang, Pathum Wan, Bangkok 10330泰國📍Website: https://facebook.com/RanCeXow/🛎Booking Website: https://www.facebook.com/profile.php?id=100083220081412_____________________________#instafood #hkfoodie #bangkokfood #hkfoodblogger #hkfoodblog #foodie #foodporn #foodiehk #foodstagram #foodblogger #foodies #foodlover #foodpics #曼谷餐廳 #bangkokrestaurant #bangkokeats #曼谷美食 #曼谷 #曼谷打卡 #曼谷好去處 #bangkokdining #bangkok
