一路都以為海膽只有北海道係No1, 凍嘅地方先甜先好味，但其實日本全國都有海膽出產。 最近先又學咗一課，去沖繩尋海膽! (哈哈! 老貓燒鬚) 早前朋友推介, 帶我去咗沖繩北部嘅“古宇利島（別名：恋の島）”。呢度首先咩出名呢? 係條又長又靚，連接本島同古宇利島嘅大橋。仲有島上天然Heart Shape岩石。 聽講自從Johnny’s事務所嘅嵐(Arashi)嚟過以後就好出名。 依家要同塊石一齊影相都要200yen 架! 但係我去目的係好想試下海膽，因為一直以為只有馬糞海胆同紫海胆最有名，原來朋友話沖繩呢個島就出名白鬚海胆，真係第一次聽。原來呢種海膽夏天當造，佢地會加海葡萄，點青芥醬油食。海葡萄呢隻沖繩海藻形狀好似一串迷你海葡萄咁，入口一粒粒海水味喺口內爆開，似食蟹子、三文魚子，但更脆。 所以海膽飯，個咸味同海膽甜互相混戰，好得意。 不過聽說近年產量少，而且每年要等解禁期先可捕獲，大家要睇season先食到呀。 001 古宇利島大橋下海灘，可睇真D水幾清幾藍。 002 個海膽飯係咪好吸引呢，不過我食時未係season,唔係最甜。 003 係沖繩悠閒望海，真係好正! 004 Arashi嚟過心形石拍廣告啊! 點擊圖片放大 +2
