上次講過由於讀谷村位置正好喺沖繩本島中部，有海有大自然景，有美食，可以話集齊到沖繩特點。 我好多朋友，情侶也好，一家大小都好，都好鍾意去沖繩，因為可以滿足到唔同需要。 今次想推介下俾鍾意體驗，了解文化歷史嘅朋友： 可去已列入世界遺產嘅「座喜味城跡」 呢度係琉球文化藝術表演必備的三線琴嘅發源地，亦可以睇到佢地嘅工藝品「読谷山花織」同陶藝「読谷山焼」。被稱為日本人間國寶嘅金城次郎氏嘅窯仍保留住，亦有陶藝體驗工房，可以動動手做個俾自己。當然亦可參觀Gallery，有現賣嘅選擇。呢度真吸引不少日本國內陶藝愛好者朝聖架！ 鍾意陽光海灘靚景： 沖繩最出名係透澈嘅水質，之所以水咁清就有賴佢地嘅珊瑚礁，當地有個養殖珊瑚等場地叫「読谷村の宝・珊瑚畑」，一般人都可參加體驗做珊瑚礁。 若係潛水發燒友，便可去世界有名潛水勝地“残波岬”，水質淨透又多珊瑚及熱帶魚。即使係初學者，都有其他選擇，可以參加睇鯨鯊潛水體驗。水上活動唔啱，“残波岬”係高30米，全長2Km呢懸崖，個景好壯觀，影靚相就最正！附近有高級Resort Hotel，想住好D，或舉行個有特色婚禮，呢度都得。 愛美食的： 可去都屋漁港參觀拍賣，漁港內可吃到即日捕獲嘅海產，可刺身或炮製，價錢都合理，大人小朋友都會食得開心。 此外當地的紅豚料理，紅豚係15世紀琉球王朝以來嘅沖繩豬種，養以泡盛酒粕、紅芋，乳酸菌混合飼料養，所以肉質juicy 及脂肪平均云云。 另外有沖繩水魚，西餐吃牛扒都好多選擇， 襯當地殘波泡盛不錯。亦有出名紫薯手信 No.1御菓子御殿，可以食得好滿足。 真的有小朋友的： 可去主題樂園“体験王国むら咲むら(MURASAKIMURA)”一日遊，或是親子自然體驗的「読谷自然学校」，係一個用赤瓦、土窯，木材等天然物料建成的遊玩點，給小朋友玩些原始一點的遊戲，不用打機。 沖縄県読谷村：www.yomitan-okinawa.com Caption 01座喜味城跡，15世紀建成的圓拱形的城牆。 02 紅豚係當地豬種, 一定要試。 03 呢個紫薯撻曾連續六年取得業界金賞的。 04 大名頂頂殘波岬 05泡盛亦有古酒的，就是存放於這些土埕內熟成。 06 珊瑚畑唔係度度可玩到。 07 佢地酒店婚禮場地真吸引女士呢! 08 讀谷山燒可diy陶瓷 09 有燈台地方特別浪漫。 點擊圖片放大 +7
