大家知唔知日本11月5日叫做「卵の日 / Nice Egg Day」-雞蛋日呢? 不過，唔係假期啊! (笑) 就係提醒大家食雞蛋嘅好處，同埋多做各式雞蛋菜! 其實日本料理中真係好多雞蛋菜的。大家喜歡的玉子燒、茶碗蒸、或親子丼都係蛋。記得小時候生活無咁豐富，早餐一碗白飯加隻生雞蛋，落豉油撈已好好味。呢種食生蛋的方式在日本亦好普通，即使大家去溫泉旅館食和式早餐，可能都常見有生雞蛋，就係俾大家咁食囉! 因為我地知道雞蛋有好豐富維他命及礦物質，蛋白質都好豐富。 不過，好多外國人都未必會食生蛋，或者覺得唔衛生，我諗只係因為生產技術嘅問題。 喺日本，因有生食雞蛋的習慣，自古對養雞的飼料等都好嚴格，因此從飼料管理＞養雞場衛生管理＞雞蛋清洗及殺菌＞篩選及包裝＞推出市場為止、全部都有嚴格的準則系統。要跟日本政府厚生勞働省嘅規定。以上過程不經人手接觸，減低細菌感染機會。加上近年對飼料的研究，亦會加入不同維他命等，令蛋的香味及色澤更濃更好味，所以生產出來的蛋便可以生吃了。 或者有朋友會好擔心膽固醇問題，根據厚生勞働省「食事攝取基準」今年的調查報告，雞蛋的攝取量跟各種疾病並無關連性。只要每日不超過2隻蛋，對膽固醇都不用擔心。 聽說今年日本的雞蛋節都傳來香港了， 而且會在不同地點免費派發雞蛋呢! 大家都唔好錯過，攞番盒做蛋料理吧 ! 日期: 2015年11月5日 時間: 地點: 銅鑼灣駱克道Sogo後面(約10:00-12:00) 觀瑭巧明街(約13:00-14:00) 荃灣楊屋道街市對面(約16:00-18:00) 詳情可參考: http://www.aji-no-chinmi.com.hk/news/news.php?pid=77
