可能一睇相, 大家都知呢間係日本好popular嘅donut專門店。佢地款式有幾十種, 仲有季節限定口味，有時亦玩character crossover, 一年中可以enjoy到不同新鮮感。我大男人一個, 但好鐘意食甜品，尤其donut, 配較苦嘅咖啡, 一口甜品, 真係好正,所以每次去日本都唔介意被一班學生妹、或主婦或OL圍住咁食donut。 其實香港真係咩都有，咩都可以食到，但就好奇怪無間donut店做得住。咁多日本連所店喺香港開，亦仲未見呢間嚟香港呢! 記憶中呢30年間, 曾有3~4個外國donut店嚟香港開店, 但總是一兩年就消失，係咪大家唔鍾意食donut呀? 不過,麵包店、蛋糕店就越嚟越多，我都見有朋友去日本會食donut, 仲買手信返嚟，真好想知一般香港朋友對donut的喜愛度呢! 或者香港人對食物健康意識提高咗, 對油炸, 加糖、糖霜或朱古力嘅炸包會卻步吧。不過我覺得日本嘅donut比歐美嘅無咁甜, 而且每季用上不同食材, 花款又多, 真係好值得試試。剛去那次, 我就試咗栗子口味，好開心呢! 近年，佢地亦照顧到有些對麩質或蛋敏感的人,推出使用豆渣做的donut或有低糖的，好貼心呀!
