唔知點解，去親日本同朋友飲酒，都好想去“立ち飲み”(立飲)嘅地方，上次去東京都係一樣。 當然，消費平D係其中一個原因，但另外，一邊食一邊飲，企係度特別輕鬆，無咁formal,有時仲可以同旁邊左右檯答咀傾兩句，都幾得意。而且日本立飲立食的選擇好多，不同menu都有，燒鳥、關東煮, 以至近年意式、法式的立食都有，不似香港，只有西式吧會有High table企位，多數只食薯條雞翼漢堡等小食。 去立飲，我最常點嘅係漬物(醃菜) 同赤身のマグロ(赤身吞拿魚) ，然後配常溫日本酒。 喺香港食Maguro多數都係大拖羅，因好多人鍾意，而餐廳又賣到錢。好似Maguro就=大拖羅咁。其實我覺得吞拿魚有好多其他好食嘅部位，即使赤身，亦有好幾種啊! 雖然赤身無魚脂，顏色深，但魚味好濃，我認為同日本酒係絕配。 對女士嚟講，赤身高蛋白質，不肥，是瘦身menu好選擇，做正餐, 無論刺身，煎、焗、做沙律都可以呀。
