西貢除咗海鮮出名，仲開咗好多cafe！行完山又或者出完海玩完都有好多野食唔一定要出番去市區先有好野食Little Cove Espresso 超出名，聽聞有時平日去都要排隊今日去到已經坐咗好多人 🙈好彩唔洗排隊餐廳面積都幾大仲有室外同室內既位置白色簡潔嘅裝修，加埋開揚嘅環境可以同陽光玩遊戲 兩個人食咗三樣野🙈🙈 French Toast $98店舖嘅Toast 並唔係平時多數食到嗰啲佢唔係屬於好軟浸滿蛋漿，好重蛋味嗰種呢種Toast好厚中間軟綿綿外層脆仲帶有焦糖同肉桂味上面淋咗蜜糖定楓糖🤔配埋cream一齊食真係不得了😋停唔到口仲有開心果同食用花配搭出精緻嘅賣相打卡定食都，一樣咁開心 ， Pulled Pork Benedict $128望落去都幾大份，千祈唔好一次食晒d材料因為佢下面仲有塊酸種麵包㗎！手撕豬肉個味道令我有少少出乎意料之外唔會好濕令到個包浸淋晒而且加埋荷蘭醬唔會好膩再加上青蘋果絲，其實有啲清新添同出面食嘅口味比 會較淡 Shakshuka $120呢個係一道無肉料理蕃茄嘅酸甜，香料帶微微辣香，共冶一爐流心蛋再撒上芝士碎😋😋 又係食到停唔到口配埋烘過嘅酸種麵包，一口食落去煙韌又脆味道夠濃厚但佢係質感偏流質啲，如果可以乾身啲再濃郁一啲就更好我見唔多人介紹🤔其實都幾好食仲好開胃！ ———————————————————記得Like.Share.Follow 💛西貢西貢海旁廣場兆日樓地下1-2號舖Shop 1 and 2, G/F, Siu Yat Building, Sai Kung Hoi Pong Square, Sai Kung
