由馬鞍山出發到新港城巴士總搭NR84 村巴 到馬鞍山郊野公園站落車 點擊圖片放大 一路上都好易行,第一站會去到昂平高原 呢度係好出名露營區🏕️ 好寬闊嘅大草原!仲有個好靚嘅景 唔怪得咁多人嚟露營 , 而佢背後有座又高又尖嘅山 就係今日第二站 大金鐘 其實今次目的地係去彎曲山睇日落 順便就去挑戰一下大金鐘山頂 有成536M 高!😆 上到嚟真係叻🤣🤣 呢個同太墩一樣都係要手腳一齊用 一路上係好多碎沙同碎石而且比較斜 上到去景觀超廣闊 完全可以盡覽西貢同馬鞍山景色 周邊都有好多芒草超正! 山嘅另一面就係彎曲山啦 就咁睇好似冇咩特別🤭 當你去到真係會嘩一聲! , 呢度影日落真係好正 除咗有行山友,見到唔少人拎晒攝影器材上嚟影相 見到呢個Magic moment 🥲 好感動 🤤🤤🤤🤤 仲要一邊係橙黃色嘅天 另一邊係粉色 🥲🦄 (肉眼睇仲正!) 唔同位置 點影都咁靚 人像剪影嘅相都好有feel 離開嘅時候會系麥理浩徑嘅另一邊落山 落山嘅路係好輕鬆 冬天日落之後好快就天就會黑晒 大家記得帶備電筒 ⭐️行山時記得帶備充足糧食同水 要愛護大自然!帶走帶黎嘅垃圾 除非你係超超超老手 唔係嘅話唔建議單獨去