Scones已經愈出愈多口味 伯爵茶、泰式奶茶、綠茶口味等 甚至乎有啲入面仲會加入唔同餡料😎好似麻薯咁 隨着口味愈多價錢都愈貴30幾到40幾都有 網上見到韓國有整pizza 味scones 就好想試吓 不過佢加咗橄欖🫒個人就唔太鍾意所以我冇加 Scones可以有好多變化 今次pizza 加埋pepperoni😛好香濃 Pizza迷一定要試 我之前就都整過「蜜糖鬆餅」 <= 可以去睇吓 材料 120g無鹽牛油（冷） 230g中筋麵粉 35g糖 20g芝士粉 4g鹽 12g泡打粉 80g牛奶（冷） 10g 蕃茄醬 pepperoni 做法： 1）中筋麵粉、泡打粉、糖、芝士粉和鹽過篩，攪勻 2）無鹽牛油切粒放入粉內混合，成麵包糠狀 （用手指尖/刮刀，牛油要夠凍，動作要快一點，避免牛油融化) 3）加牛奶 、蕃茄醬，拌勻至沒有粉粒，不要過度攪拌 <雪30分鐘> 4）麵團分成等份，整成圓球，中間壓個洞放入蕃茄醬 （表面唔需要整得太平滑，如果太平滑焗出嚟就冇咗凹凸冇咗靚） 5）焗10-13分鐘 6）放上芝士片（碎芝士都可以）再加pepperoni 放面 5）焗10分鐘 ***（ 預熱烤箱190C ）**** 。 💛以上是以個人的喜好所作出分享和感受 ——————————————————— 記得Like.Share.Follow 💛 💛以上是以個人的喜好所作出分享和感受
