之前試左"沙田18"呢間餐廳, 同大家分享下我食左咩菜式(^皿^) 家人早2日訂位(晚餐), 餐廳話得返長枱, 順便訂埋一隻北京烤鴨~ 當晚我同家人7點去到, 一入去好小人, 大概得幾枱客人! 又俾返圓枱我地, aha~ 一入到去就影下相先~ 調味料: 我係無用d調味料既 小食: 花生&醃製蘿蔔 醃製蘿蔔好開胃@@b ---------------------------------- 跟著係我最期待既北京烤鴨(三食 $738): 師傅超快手片皮ヾ（・ω・○）ｂ 以下係配菜(青瓜, 京蔥) & 醬料(砂糖, 蒜泥, 甜麵醬) : 佢片出黎有3碟既: 分別係鴨皮, 鴨胸肉連皮 & 鴨腿肉[因為唔見左部分相, 不好意思>0<] 第一種食法係將鴨皮沾上砂糖, 四個字: 入口即溶, 係3種食法中我最喜歡既! 第二種食法係將鴨胸肉加上配菜&甜麵醬以薄餅卷好來吃~ 第三種食法係將鴨腿肉加上配菜, 蒜泥&甜麵醬以薄餅卷好來吃~ [問左如果唔夠薄餅, 係可以加既, 不用額外收費] 用薄餅包住黎食都幾飽~ ----------------------------------------- 燒五花腩肉 $148 Close up: 份量唔算小, 個皮好脆! ----------------------------- 鴨崧生菜包(二食) Close up: 味道比較淡, 材料配合得好, 食多2件都得! 不過佢d生菜都幾小, 1人得1片, 一問之下, 原來可以叫佢地加既! ------------------------------------------- 紹菜豆腐鴨湯(三食) 湯係清清地, 有淡淡既鴨味, 唔會覺得好油! ------------------------- 頭抽薑蔥炒龍躉球 $328 唔會太鹹, 搶左龍躉既鮮味~ ------------------------------ 紅糟蒜香鎮江骨 $258 呢個送飯一流, 個醬汁超好味φ(o´ωﾟo) -------------------------------- 蒜蒸斑腩糯米飯 $198 蒜茸超香, 加上斑腩好滑, 配埋糯米飯一齊吃, 正呀! ----------------------------------- 跟著係甜品時間: 陳皮蓮子紅豆沙 $52 ------------------------------ 雪耳杞子杏仁榚 $52 ----------------------- 芒果布丁 $60 ------------------------------ 話梅芝士卷 $60 呢款我最喜歡, 芝士味唔會好重, 突出到話梅味! -------------------------------- 五糧液朱古力雪糕 $38 比較重酒味, 自己唔太喜歡!(つ><⊂) --------------------------------- 單據: 總括來說, 食物質素高, 服務好, 價錢算係中等以上, 值得一試! 味道: 5/5分 食物吸引度: 5/5分 服務: 5/5分 價格: 3/5分 Total: 18/20分 --------------------------------------- 下一篇會寫下e.l.f. x Ariel Collection既化妝品, 有興趣就留意吧! (希望可以呢1, 2日打好^3^)
