話說廿多歲開始就會發現毛孔大左好多,唔再係18歲時間零毛孔既美好日子. 雖然事實很殘酷,但都係要去面對架啦...... 於是就想搵支比較好既收毛孔精華,左揀右揀之下買左cle de peau essential correcting refiner 收縮毛孔精華.cle de peau既化妝品真係超好用,所以想試下佢D護膚品係咪都一樣咁好用. 呢支essential correcting refiner功效:針對令肌膚細胞受壓的不飽和脂肪酸，改善粗糙、暗啞及毛孔粗大等肌膚問題。獨有配方含有吸收皮脂粉末，能改善肌膚泛油的情況，保持肌膚柔滑清爽。 使用方法:潔面後,搖晃然後倒落綿花輕拭. 以前我係覺得倒落綿花好浪費,但後來知道呢一個步驟係二次清潔,洗面洗得乾唔乾淨係呢步會睇得好明顯,幾年前我用某牌子潔面乳,一路都覺得OK, 但用左綿花一拭,哇....成塊綿花有D粉底色...我真係唔敢諗咁耐以黎都洗得咁唔乾淨對皮膚造成左幾大影響....所以綿花呢一步真係唔慳得.. 你睇下呢步二次清潔見到幾清楚面上D污穢野,呢步做得好,之後D護膚品先吸收得好. 用後感:會感覺到可以帶走面果層污穢,用完面部會好清爽,之後用既護膚品感覺更吸收,kayla暫時用左2星期,毛孔感覺上細了少少,但kayla本身係中性偏乾皮膚,一定要用多D補濕滋潤既護膚品cover返佢二次清潔帶走左既水份&皮脂.如果唔用返多D滋潤產品有機會有少少甩皮情況出現,因為配方其中的吸收皮脂粉末令皮膚太乾了,所以一定唔可以懶要搽返夠補濕! 專櫃價錢:$800 HKD
