Kayla 一直都好比心機做美白淡斑,但發現曬到斑出現速度遠超過怯班速度,於是我終於認命要曬防曬。之前一直覺得搽完補濕仲要搽防曬真係好麻煩。一直都懶癌上身,直到係地鐵見到依個廣告,叮一聲,防曬加埋乳液仲有美白功能!真係岩哂我! 收工就走左去朗豪坊專櫃試下質地,都幾好推又唔笠防曬度仲有50PA++++夠哂就帶左佢返屋企啦!^_^ 今日返工照平時咁搽補濕精華,將平時用嘅day cream換成左依隻防曬! 平時kayla係唔化妝返工的,但今晚同朋友去飯就好比面咁化左妝,順便可以睇下支防曬嘅其中一個功能-化妝底霜效果如何。 試後感係唔化妝個時會有珠光感,令令地。 做化妝底霜個時就唔好大力推佢,會捽到啲碎,今日第一次用捽到啲碎出黎,不過溫柔咁輕掃就可以掃走。 整體黎講kayla都滿意依款防曬,因為價錢唔貴又方便仲可以當cream。 官方售價200hkd