圖來自：U Beauty的網頁 最近龍媽媽都幾lucky，一連抽中參加幾個活動， 今次有幸參加U Beauty親試團的聖誕特別版， 其實U Beauty的親試團一向都想參加，不過都抽唔中， 所以今次有得參加，仲可以試用Shu uemura的限量版眼影， 就真是超開心！ 好！等我報導下當晚的行程先 當晚行程好豐富由七點鐘開始， 去到U Beauty已經 set 好所有化妝的用品， 仲準備了飲品和西餅給我們的Blogger，好貼好呀！ 今次除了是親試團，仲是化妝班， U Beauty請了星級化妝師Ricky來教我們用shu uemura的眼影來化聖誕妝， 仲有陳文婷做model添！ 化完妝後真是超靚！ 今次的課堂超專業，有power point和note給各位Blogger做參考 今次試用的是shu uemura限量版眼影胭脂彩妝盒 (HKD$ 530) 和銀光老佛爺睫毛 (HKD$ 165) 限量版眼影胭脂彩妝盒總共有2個色系分別是 煙燻閃綠 &和波爾多醉紫 化妝師Ricky因應Blogger的膚色來安排試用的顏色 Ricky幫龍媽媽選了波爾多醉紫來試用， 龍媽媽都鐘意紫色多過綠色， 因為之後的使用率會高D， 當Ricky教完化聖誕妝後， 各位Blogger就自已幫自已化， 順便因應產品的上色度，掃的舒適度等來評分， 龍媽媽覺得它呢個產品的上色度唔錯，又多閃粉， 好咁聖誕用， 加上一盒5隻色有埋胭脂幾好用，幾方便！ 而眼捷毛都幾容易貼， 不過太閃太誇張， 要化比較濃的妝先配合到，通常for party 用， 使用率比較低！ 最後當然唔少得測試眼影的持久度， 你見濕了水，抹後都無影響手上的眼影， 就可知它的持久度唔錯！ 最後就所有Blogger表態，覺得呢個產品好定差， (唉！你睇個個Blogger都幾靚女，唯獨龍媽媽肥肥的，因為仲未收到身，要繼續努力先！) 最後感謝U Beauty邀請龍媽媽參加今次親試團。 龍媽媽覺得今次的親試團好好玩， 除了可以試用產品外， 仲可以學到不同的化妝技巧， 仲可以向星級化妝師請教下適合自已的妝容， 希望下次可以再參加和識多D Blogger！
