終於來到龍媽媽的吉隆坡之旅的最後一篇啦！ 龍媽媽一定要在5月前完成， 因為黎緊龍媽媽又會出去旅行， 不過就去一個短旅行！ 在上幾集龍媽媽主要介紹吉隆坡的美食！ 呢一集終於講到龍媽媽的手信和所敗的野了！ 以上幅圖只系龍媽媽第一日所買的野， 仲有之後所買的藥和鞋無影落去！ 其實大馬都有幾多必買手信，會去大馬的朋友可以參考下！ 1.朱古力-大馬的朱古力都幾出名，好多旅遊書都有推介。 在吉隆坡有很多地方都有賣朱古力， 而龍媽媽被呢款的榴槤朱古力深深吸引住， 因為它特別之處系有榴槤肉在裡面， 而且都幾多，呢款在香港比較少見！ 鐘意食榴槤的朋友千其唔好放過啦！ 一盒十二蚊，賣RM30，即系$75港紙一盒，都可以接受！ 用來送禮最好不過，不過大家要留意食用日期， 因為新鮮制造和無落防腐劑，所以通常食用期只有2-3個月！ 2.肉骨茶-來到大馬當然要試肉骨茶啦！ 試過肉骨茶後龍媽媽被深深吸引住， 忍唔要買返幾包湯包返去自已煲， 呢D湯泡都幾方便，一包已經有曬所有藥材， 自已只需加肉、豆卜和菜， 就可以在家裡自制肉骨茶， 龍媽媽在家裡煲過來飲，都幾好味！ 而且D藥材好足，全部真材實料， 而一包湯包只系賣RM3.9即$10港紙到，都幾平！ 3.咖啡-大馬的咖啡都幾出名，舊街場咖啡就系來自大馬的， 但來到大馬無理由買香港都有賣的咖啡返去， 所以龍媽媽就買了呢隻益昌咖啡， 舊街場的白咖啡和益昌的黑咖啡都一樣出名， 不過自從龍媽媽無返工後都好少飲咖啡， 所以買了包3盒1用來送給媽媽！ 另外仲買了包沙巴紅茶試下！ 大馬咖啡平過香港，上面包咖啡一包20包裝賣RM4.9， 即系十幾蚊港幣，好抵飲！ 龍媽媽的媽媽試過後話好好飲！ 似乎大馬出產的咖啡真系唔錯！ 4.香口小食(龍記)-如果大家有好多親朋好友、同事同學要手信的話， 龍記的魚乾、魷魚相信系一個唔錯的選擇， 唔錯的選擇系因為它系大馬出產外，價錢亦幾平，最重要大大包， 都幾得體，而且選擇都幾多，味道亦唔錯！ 龍媽媽覺得買食物做手信最好，人人都咁，而且唔會曬地方擺！ 龍媽媽去的時候龍記的小食做緊優惠， RM10任選3包，即系$25港幣3包， 維起8蚊一包到，勁抵！ 5.林明記-此外仲有林明記的特產，林明記都幾多野賣， 而且質素唔錯，好多都好好味，龍媽媽推介大家可以試下它的香椰脆， 即系炸椰肉，入口有椰子的香味，而且十分脆，正！ 仲有辣有唔辣添！ 搞到龍媽媽食唔停，不過林明記的價錢就會貴D， 好似一包香椰脆都要十幾蚊港幣！ 此外龍媽媽在超市仲買了D香料，大大包都系幾蚊港幣！ 除了食物之外，龍媽媽仲買了D衫和鞋！ 在衫方面，龍媽媽無買到給自已，反要買了幾件衫給龍哈仔！ 見到呢幅圖，大家可能會有幾個疑問？ 第一：點解買給龍哈仔的衫咁大件？ 第二：點解吉隆坡一年四季夏天，何解有羽絨賣？ 第一無錯龍媽媽真系有點發神經，上面的衫系for3歲小朋友， 龍哈仔有排都未著得，但以咁的價錢，大家都一定會買定先， 和埋龍媽媽的慳家手冊內一向見到平、靚、正都會敗定先， 橫掂龍哈仔將來一定有機會著！ 呢幾件衫都在吉隆坡的uniqlo買的！ Uniqlo正價和香港差唔多，不過減價後就好平啦！ 上面格仔恤和褲只系賣RM17.9，維起只$45港幣， 而羽絨就仲抵，由RM129.9減到RM29.9，即系$75港幣， 香港就算減價都無咁平，仲要系uniqlo，質地一向唔錯！ 所以就算要放幾年，龍媽媽都照敗，加上個款幾大路， 粗著都抵！不過龍媽媽都系唔明解大馬有冬天衫賣， 可能就for我們D旅買！ 雖然龍媽媽買到衫，但就買了3對鞋，真系有排著， 上面2對在vincci買， 上次的"馬來西亞必買的店鋪之一VINCCI♥女人開唔開心都要買鞋！"的Blog 有詳細介到紹，有興趣的朋友可以到下面網址睇返！ http://blog.yahoo.com/_BFS33GLP3SOLZ26RQ4AA4OYRD4/articles/1158537/index 另外龍媽媽仲買了對膠鞋，夏天落雨著就咁曬， 龍媽媽在Jelly Bunny買的，RM29.9，即系$75港幣， 都好軟，好舒服！個款比較特別！ Jelly Bunny系泰國品牌，龍媽媽唔知香港有無， 不過又系一幾好敗的品牌！ 款多價錢平，幾十蚊港幣有交易啦！ 咩色都有，仲有高跟鞋款添，價錢由RM29.9至RM59.9不等， 不過由於系泰國品牌，可能泰國買會平D！ 最後龍媽媽仲在gurdian買了D藥！ 而詳細介紹，這在上一篇的 "馬來西亞必買的店鋪之二guardian♥總有一間在你附近"有介紹到！ 有興趣的朋友可以到下面網址睇返！ http://blog.yahoo.com/_BFS33GLP3SOLZ26RQ4AA4OYRD4/articles/1159929/index 龍媽媽的吉隆坡三日兩夜之旅完結了，多謝大家收看！ 想睇返龍媽媽之前的大馬-吉隆坡遊記，可以到以下： 瘋狂敗家之旅♥三日兩夜♥吉隆坡自遊行♥未出發先興奮篇 瘋狂敗家之旅♥三日兩夜♥吉隆坡自遊行♥四星級酒店篇 瘋狂敗家之旅♥三日兩夜♥吉隆坡自遊行♥搵食篇(DAY 1) 瘋狂敗家之旅♥三日兩夜♥吉隆坡自遊行♥大愛酒店自助早餐篇 瘋狂敗家之旅♥三日兩夜♥吉隆坡自遊行♥遊玩篇(Day2) 瘋狂敗家之旅♥三日兩夜♥吉隆坡自遊行♥搵食篇(Day2) 瘋狂敗家之旅♥三日兩夜♥吉隆坡自遊行♥Last Day 馬來西亞必買的店鋪之一VINCCI♥女人開唔開心都要買鞋！ 馬來西亞必買的店鋪之二guardian♥總有一間在你附近！ 鐘意龍媽媽的推介的可以like下龍媽媽的facebbok！ 按下面張圖就可以去到facebook了，謝謝支持！
