昨日龍媽媽的兼職放假一天，恰巧龍爸爸又放假， 所以帶埋龍哈仔一齊去銅鑼灣行下街，買下野！ 行下行下就去到銅鑼灣希慎廣場， 見到最近大熱的《鐵甲奇俠》的展覽！ 龍爸爸見到就好奮鬥，立即不停影相，仲話要同1:1的雕像影相！ 機械人始終系男生的至愛，就如女生見到自已鐘意的洋娃娃一樣！ 龍媽媽之前無睇過任何一集《鐵甲奇俠》！系唔系好out呢！ 變型金剛反而所有集都有睇！(因為龍爸爸鐘意呀！) 睇下睇下都覺得機械人都幾好睇！ 所以龍媽媽都會考慮下睇4月25日上畫的鐵甲奇俠3的電影！ 不過睇之前相信要睇返之前的2集先！ 點擊圖片放大 其實呢篇blog給龍爸爸打可能會好D，因為他會清楚多D邊個雕塑叫詳名， 不過見到呢D1:1比例原大的雕像，龍媽媽都覺得好勵害， 影下相都唔錯！ 成個商場都有鐵甲奇俠的雕像和人偶展出， 而人偶展出主要集中在一樓和四樓！ 人偶的做工都好仔細和逼真，唔怪得有人會用幾千至幾萬收藏， 正所謂千金難買心頭好， 鐘意起上來好難講！ 呢個都幾特別，成個場牌咁展出！ 仲有Q牌公仔，而家好似話參加它的遊戲有機會得到， 不過唔系龍媽媽和龍爸爸心目中杯茶， 所以呢D心頭好都系留給懂得欣賞的人吧！ 而家D科技真系好先進，如果你好似龍媽媽咁咩都唔識的話， 都可以睇下呢個介紹，好勁，好詳細！ 唔得閒去的話都可以睇返龍媽媽上面條片！ 點擊圖片放大 最後龍媽媽仲去了4樓睇埋其它人偶，都好好睇！ 鐘意的朋友記得去埋4樓睇！ 呢個展去到5月12日，有興趣的朋友可以參觀下！
