聖誕節雖然未到，但龍媽媽已經四圍去商場睇聖誕裝飾， 上一篇的聖誕四圍逛，龍媽媽介紹了銅鑼灣時代廣場、皇室堡、希慎和旺角的朗豪坊 有興趣的朋友可以到下面睇返 ＊hong kong style＊聖誕四圍逛(1) 而今次龍媽媽而介紹的是九龍灣的德福和Mega Box 今次九龍灣的德福廣場以Chocolate Rain做主題， 龍媽媽幾鐘意Chocolate Rain， 覺得它幾可愛，加上是香港本地創作， 當然要支持下！ 在德福四圍大家都可以見到Chocolate Rain的影子， 我覺得Chocolate Rain最特別的是它的衣飾都是由百家布製造， 勁有style！ 咁多個Chocolate Rain，唔知大家又鐘意唔個? 之後龍媽媽就坐免費穿梭巴士到mega Box， mega Box的巴士都幾密， 大約5-8分鐘， 就去到mega Box了！ 行了一陣龍媽媽都有D肚餓，於是就去了宜家開餐， 龍媽媽極力推介大家去宜家傢私的餐廳吃野， 特別是帶著小朋友的你， 真是又平又好味！ 餐廳是以自助的形式運作， 先選食物，後付款！ 大家睇下有好多野食，每一款價錢都唔超過$30，勁抵， 最重要是無分午餐，下午茶和晚餐， 是全日一樣價， 兒童餐連飲品都是$17，真是好抵， 一家三口來吃飽飽，一百都唔駛，正呀！ 冷櫃的食物是自取的，而熟食就可以叫職員幫你， 飲品都是自助的，咖啡和汽水任飲，$7一杯！ 挑好野食就可以付錢，添味料是是自助的！ 環境好大，好舒服，有顯所有兒童的設施， 例如BB椅，餐具等，仲有微波爐， 最重要有兒童玩樂的設施， 當小朋友食飽去玩， 你們就可以和朋友傾下計！ 至於食物質素，真是又平又好食， 龍媽媽特別推薦大家食瑞典肉丸拼薯仔，一碗五粒配薯仔都是十蚊， 肉丸肉質豐富，配肉汁同果醬都好好味和好夾，是必食之選， 之於魚柳薯條就普普通通，勝在平和大碟，都是十蚊一碟， 因為龍媽媽是食下午茶，食唔到幾多，下次再試其它， 食完大家記得將碟放在餐車上， 龍媽媽好讚成呢個做法， 講真羊毛出在羊身上， 多個員工收碟和收盤，成本未轉到我們消費者身上， 第二，放個盤在餐車上都是舉手之勞，自已食自已清理，合理，讚成呢個做法！ 最後龍媽媽去了睇它們的萬花雪舞天鵝城， 都幾靚，大家可以去睇一下，影下相， 不過龍媽媽因為趕時間無睇它的天鵝表演， 睇過或者睇完的朋友可以話給龍媽媽是點樣嗎？
