今次膽粗粗和朋友2人到澳門進行2日1夜的澳門之旅 去得澳門,當然唔少得吃、喝、玩、樂 首先介紹下我們當晚的住宿 就是威尼斯人的酒店 勁大的房和床(相比其它的酒店,相信是威尼斯是最大的) 有2張床,但每張床都可以睡2個人 若果人多去的話,又只想Book一間房,相信呢個是個好的選擇 放低了行李,出發去我們的旅程啦!!! 第一站新馬路(十月初五日街) 開頭以為拍戲先有,但原來真系有,而且街的建築物都保留得好好!!! 不過而家無咩商店,無以前咁熱鬧 在呢度我們一直行,食了很多特別又好味的食物 來到澳門我推介大家要吃馳名的雞米線,又平又好食 就是榮暉咖啡美食 在十月初五街54號地下 它的雞又滑,湯底有很濃的藥材味,一流!!! 另外,若果你不怕藥材味,可以試埋它的川芎魚頭米 亦都好出名的!!! 一直行,就來到食椰子雪糕好出名的洪馨啦 記得認住他門口的雙喜椰子 椰子味好香,好香,但價錢有D貴 之後去到亦都好出名的榮記荳腐麵食 在果欄街47號地下 (在十月初五街附近) 店內的擺設依然是古色古香 最奪目的當然是這個牌 它的豆腐花果然是唔同D 好滑,我們加了花奶,味道是唔同D 之後又來去食食食, 大家估下呢碗是咩來的??? 就是楊六記的牛雜 味道一般,但本住冒險的精神去試下牛的各部分, 他剪成一碗,其實我們都唔知食緊咩部位, 好似有牛眼等, 爛鬼樓草堆街橫巷1B地下 食完就去各大賭場見識下!!!