今次系跟團去沙芭加汶萊~ 好可愛既飛機餐! 第一日:行程系汶萊 因落機都晚飯時間去左個加東夜市 本身諗住夜市好期待掃街！！ 點知去到 細到你系五分鐘可以行完 加全部都系炸野都雞pat pat食 食左幾間 間間味一樣就放棄喇 第二日 睇蘇丹皇宮同清真寺 都系影下相 入面全部唔影得～跟住就坐隻船仔去船上體驗下水上人d生活 食下糕點咁 點擊圖片放大 +2 完哂全日行程都只系6點飯都未食得 佢地就問去唔去睇下長鼻猴 我記得系勁貴就冇join 所以佢就放左我我地系商場坐 但可惜汶萊習慣6，7點全個汶萊d人系準備休息訓覺 所以商場都系冇野好行 導遊話系全汶萊唯一一個商場 但真系旺中都大佢3倍 去到呢到你會好似荒島咁 電視新聞全部播蘇丹既新聞 鋪頭食飯夜晚系條街未到十點已收哂 附近系絕對冇便利店超市 總之就百冇！所以呢兩日既行程兩個字講完-呆坐■ 最後我地一家三口就系到呆坐左兩個鐘 最後去既團友番到黎又系一肚火話 又熱又多蚊 一隻長鼻猴 都睇唔到重咁貴......伏到核爆呀....... 頭兩日既汶萊行程真系令成團人心情down哂 冇諗過悶到咁 終於第三日去沙巴 系咪有曙光喇？ 第一日帶你食下出名既肉骨茶 喇沙 魚面等等 都算唔錯 已經系最出名果幾間～ 點擊圖片放大 +4 第二日出海 爸爸同蝦米去玩左降落傘 我坐系下面勁驚咁睇 最後覺得蝦米好勇 之後又浮潛下 玩下沙游下水 包左場咁 個島得我地香港一團人 點擊圖片放大 +4 夜晚自己出去食飯 上網search左一間食海鮮好多人話又正好平 真心果句 香港好食一百倍 同埋一d都唔平 同系香港食差唔多都$500-600 最後一日 系酒店玩下水 我地又包人場 之後再睇多個show就番香港～個show就系有人唱普通話歌 我地成團人就坐定定供養蚊子 總結： 汶萊 岩d心靜自然涼既人去 如果冇耐性你應該頭頂都著火 r爆頭做咩黎左呢到 沙巴：野食唔錯 但唔算好特別同真系話好好味 溫馨提示:兩個地方d野飲都甜到你飲唔到 系講堅 佢地最鐘意飲美祿 果幾日我飲美祿飲到嘔咁制（佢地既美祿比香港更甜） 就算我叫杯檸水走甜 都系勁甜嫁媽呀........所以去既最好自帶水好d 以上都只系我經驗 亦相信跟團限制較多未必真正搵到好食好玩既野 但...老實照講 冇下 如果要陽光與海灘我都系揀番泰國會好d
