新年剛過，好多人都開始蠢蠢欲動，拎完Bonus就禪過別枝，再搵分好工，小K都有呢個打算，不過早於去年年尾已經搵緊，最大原因係我分工冇BONUS,幾時走都唔係考慮。搵左幾個月工，遇上了幾個ＨＲ不約而同都會問既問題，其中一個＂點解你想離開現在的公司？＂ 點解？當然係宜家公司未夠好，整個package去睇，人望高處，搵分更好既，why not?另一個想走的大原因，宜家公司實在好老派，大部分同事都幹了十年以上，年輕一Ｄ，都有五年，工作方針係：有既唔好改，冇既唔好加，連report 都可以抄返舊的，最好一字一句都唔好改。每日大家最需要既留意老細的眉頭眼額，因為只要佢唔開心，你就算跟足舊規距，佢唔開心既，點做你都係錯。愈做愈有點待不下去，好似梁生話齋，呢Ｄ只係消耗戰，意義何在呢？ 我好想同ＨＲ講：舊公司既然唔好，搵工係必然。當然ＨＲ唔會接受呢套講法，於是我轉為：目前工作基本上一年就是一個cycle，改動地方極少，挑戰亦少，我想轉一分具挑戰性的工作。＂ 但搵工奇妙的地方就係咁，你期望新公司好Ｄ，其實可能只係另一個很難待的地方，試過有ＨＲ問：你覺得入左我地公司會有咩分別？其實要做既野分別都唔大，我地需要既係loyalty＂。有長歷史的公司大概都係有相似既地方，大部分人都安分守己，做好本分，希望準時收工。 ＜挑戰＞對唔同年紀唔同階段既人而言都有不同意義，我明白到了某天我都會害怕轉變，介意上司意見多於實際表現，我只希望當我未走到呢個階段前，對轉變同挑戰既態度都係正面，loyalty可以留給工作，但不是留給公司，你睇下HSBC炒人時，有冇提loyalty?
