2016年10月30日 日本玩一千次都唔夠之 今次選擇到北九洲玩! 主要原因係要去佐賀熱氣球節! 毎年10月下旬至11月上旬, 佐賀市嘉瀬河畔就會舉辦日本最大規模的熱氣球國際大會。 屆時來自世界各地的100多個絢麗奪目的氣球同時升上高空, 場面非常狀觀! 交通方面非常簡單。 博多站坐JR去佐賀站。 再轉JR去Balloon SAGA 站就得嫁喇 (呢個Balloon SAGA站係熱氣球節先會臨時加設,平時係無嫁!) 不過呢…睇熱氣球係好睇運氣, 第一日因為落雨取消; 第二日去到就大風取消; 第三日仲要去行程最後一日就終於成功喇!不枉我凌晨5點就起身坐頭班車出發。 因為呢個熱氣球節係大型盛會,所以有好多日本本地人都會參與。 河畔有唔同既小食檔同攤位,就好似去左年宵咁! 望住熱氣球上升的一刻真係好感動!因為實在太靚喇! 呢個情境一世難忘! 升起喇升起喇! 天未光就已經有超多人到場霸靚位! 點擊圖片放大 +2 當然要支持香港隊!