一直想到澳門睇水舞間，上兩次去澳門撞啱水舞間休息，今次早在一個月前把酒店、水舞間門票訂好，來個生日之旅。 英皇酒店團購價︰$938 包早餐 船票︰$268 x 2 = $536 水舞間 B 區票︰$680 (85折) = $578 X 2 = $1,156 既然去澳門，早餐就幫襯澳門茶餐廳，價錢和普通茶餐廳差不多，不過不失。 今次純 HEA，選擇了中午船，到澳門剛好上房，不用放行李在大堂。 因為打算第二天到二龍喉公園，所以選擇了市中心的英皇。 酒店其中一個買點是金光閃閃的馬車 和威風凜凜的御林軍 畢竟是上了年紀的舊酒店，雖然是新裝修的房間，跟氹仔的新酒店不能相提並論。 放低行李，出發到添發碗仔翅，時間尚早，不用排隊。試了最平的 28蚊碗仔翅和 90蚊的花膠煲仔翅，兩款都唔錯。 食完翅沿舊街四圍逛 周圍都會見到咖喱榮和咖喱文，唔知邊間係正宗？ 見到條巷仔有人煮麵，咁得意又走入去食碗麵先。 舊式店的老口味，二十蚊一碗，份量很少。 行多陣就搭車去睇 5:30 的水舞間
