第二日 泳池游水 - 東方文華鵝肝自助餐 - Let's relax 夢幻天堂之旅 - 唐人街街邊美食 + 買手信 原先計劃早餐食少少嘢，游早水，消化完去食著名的文華鵝肝自助餐。可惜花老爺話池水太凍喎 食完早餐就上房 hea 下，上下網，出發到文華酒店。 唔知幾時開始，花老爺去旅行，天氣都咁靚，我地懷着天朗氣清的好心情出發。 在 Siam 轉車到 Saphan Taksin 坐船，沿河各大酒店都有自己的 free shuttle boat，大部份亦不會要求乘客提供證明，有興趣的話，可以坐呢啲船遊短線船河架。 點擊圖片放大 +2 東方文華酒店 酒店吃早餐的地方，係唔係好想坐係度晒下太陽呢？ 泳池旁休憩的躺椅 另一間餐廳戶外部份 由於我地早到咗，離開酒店到附近逛逛，走到一處印度人聚居的地方。 仲有好多賣銀器、銀手飾物既店舖，行咗半個鐘，返酒店享受呢個良景美景自助餐。 一個月前訂位，要求 River side，可以對住咁影既河景食 mum mum 食物的質素不用多說，鵝肝亦無限量供應。 食飽飽，搭返 Shuttle boat 去 BTS，到附近的 Robsin 百貨買牛仔褲。花老爺此行其中一個目的就係買牛仔褲，總算買到兩條。 Shopping 完搭車去下一個夢幻之旅 - Let's relax。搭車期間見到呢架沙甸魚車，大家係咪覺得自己好幸福？ 雖然唔係放工時間，市區都依然咁塞車，好彩預咗成個鐘頭，啱啱趕得切預約時間。 花老爺唔鐘意 spa，佢話唔可以俾人摩身摩勢喎，仲好，慳好多。我地做腳底按摩 + 泰式按摩 + 香草球 嘆完仲有好味既香芒糯米飯 由於差一條牛仔褲無碼，我地走咗兩個 BTS 站，最終都係要去返 Asok 間 Robsin 先搵返嗰隻款，好彩有碼，此程牛仔褲任務完成。搭的士到唐人街食嘢兼買手信。 唐人街十年如一日，都係咁既樣。 合記林珍香門前食魚鰾和燕窩，又平又好味。食完去老鋪林珍香買咗箱零食，本來打算食朋友介紹既亞陸粿條，行既都搵唔到，搭的士走人。 點擊圖片放大 +2
