7月28日 晴 10:35 CX520 香港 – 東京 由集合至上機都非常順利，滿以為準時起機，原來暑假期內太多飛機升降，排隊起飛等咗30分鐘，最後11:05左右起飛，到達東京差不多下午五點。 領隊集整團友上旅遊巴後，出發到第一站 – 台場。由於事前已刨好旅遊書，決定集中火力在彩虹橋拍照和參觀DECKS 商場內的一丁目商店街，一丁目商店街是由布景板堆砌成的噱頭景點，重現昭和時期下町庶民風情。在懷舊的氣氛下，少不免是出售一些零食、和菓子、串燒等。 彩虹橋 DECKS 商場內的一丁目商店街 點擊圖片放大 +5 DECKS 商場的6/F和7/F是台場小香港，是售賣中國食品的雜貨店和多間中華料理的地方。大部份的餐廳都是面向彩虹橋，我們的晚餐亦是在6/F其中一間中華料理內。相比香港的美食，餐廰內的食物當然不值一提，但我家老爺話OK喎。導遊話最受日本人歡迎的中華料理係 – 麻婆豆腐 因為好奇，我留意咗幾日，發覺好多中華料理門前的照片都有麻婆豆腐和杏仁豆腐，真係信不信由你啦 我們晚飯的飯店 - 太陽樓 飯店內的夜景 - 彩虹橋 去完台場，出發去今晚住宿既新橫濱太子酒店。返到酒店已經10點鐘，導遊約咗我地10:30去行夜街，佢帶咗我地去隔兩條街好多食店既地方就放低我地。以我估計附近應該係寫字樓區，大部份食店11:00關門，我地行咗一陣就去便利店買嘢食返酒店休息。 新橫濱街頭 點擊圖片放大 新橫濱太子酒店
