其實我一開始化妝時係中七,果陣見到D同學仔面無油光,好羨慕,後來先知原來佢地化左妝....返學化妝,好似唔係咁好,但我真係唔想再咁油面啦....讀書人,無收入, 儲零用錢先買到D平價粉底...但其實係自己用落最好的一款...就是RELVON...不過我係用粉餅, 貪方便, 果陣用完真係無出粒粒,而且都KEEP到大半日架~ 而出黎做野後,比D名牌薰陶左...點知一次又一次中招...未用到一半就係咁出粒粒....好浪費....加上果陣唔太識打理皮膚, 成日甩皮, 雖然知用粉底液持久D, 但每次一上粉, 就起哂屑....好核突啦....直至近呢幾件, 有左少少心得....皮膚好左, 無再甩皮, 暗粒都少左, 只係有時敏感紅...同埋捱夜出粒粒...但起碼現在用粉底液是不用怕啦~有時出席重要場合, 都會化返個全妝先~ 試過幾個品牌(貴價), 但都唔係太岩我, 一D都唔持久, 我係混合性皮膚, T-ZONE特別油...所以都幾麻煩... 今次試用了REVLON ColorStayTM持久無瑕水潤粉底液, 令我再次相信平價產品都有好高的質素, 亦因為咁, 令我放棄了去SOGO beauty fair買ysl果set粉底~ 先看看基本資料: $158, 共三色( Buff/Sand/Nude)我用的是sand色, 但不算太深, 是自然偏白吧~ 這支粉底液加入了新配方SoftFlexTM專利科技, 就是能使妝容能夠保持24小時持久不脫妝(眼鏡發光呢)，而且有效控油及長效保濕，全日維持肌膚水油平衡(是真的嗎?)另外還含維他命E及紅沒藥醇有效煥膚及抗氧化，SoftFlexTM技術亦能使粉底柔滑易推，妝容輕薄無負擔~ 看看是否真的那麼厲害 粉底質感好水...好易推~ 不過上面係有少少乾的, 所以事前要做好保濕打底...而且上面一推,都幾快乾架,遮暇可厚可薄, 我通常好薄咁搽一層, 有需要的位置會用REVLON ColorStayTM持久無瑕水潤粉底液當遮暇膏用, 重覆輕輕搽2-3層~效果已經好mat, 再加碎粉定妝, 我一向鍾意自然的妝, 所以搽左好似無搽咁, 但其實已遮了我不少的印啦~ 不過由早上11時至下午7時, 我的妝好似已經甩左, 因為我搽得太薄吧, 不過油光卻是無咩喎~ 看下圖...面上的印開始現形啦, 不過下巴的印還未甩, 因為下冒的印搽了幾層, 而面上的印只搽了一層, 整體效果可以接受啦~不過面頰有點紅啦, 是太乾吧...不過卸妝後已沒這樣紅了, 而且最讚的是, 面兒真的沒出粒粒呀~果然做到保護皮膚功效...這點是我用過幾款大牌子粉底都未曾試過的呀~這樣的價位, 絕對值得買來一試, 油人大推~乾肌就可能未必岩啦~
