# #尖沙咀美食 同媽媽去尖沙咀行街，再去「个園竹語」撐枱腳，呢度環境優雅，坐得又舒服, 決定試試「珍饈十味套餐」。 餐廳裝修走中式典雅路線，燈光柔和，坐住舒適仲有卡位, 枱與枱之間有返咁上下距離，傾偈唔會話好嘈。 前菜四小碟，糖醋小排骨酸甜度啱啱好，肉質鬆化；鎮江餚肉晶瑩剔透，咬落有啖啖肉香。煙燻溏心蛋個蛋黃流心效果唔錯，煙燻味唔會蓋過蛋味；上海蔥油海蜇絲爽脆，蔥油香氣突出。 乾燒原隻虎蝦，蝦身算大隻，醬汁濃郁帶微辣，蝦肉彈牙。 金湯雞絲燴魚翅，湯底鮮甜，質感濃稠，飲落暖胃。 珍饈四寶係全晚重點，鮑汁扣海參、鮑魚、花膠同花菇，每樣都炆得入味，鮑魚腍身帶咬口，花膠膠質豐富，鮑汁撈飯一流。 腐皮上海雞毛菜係一道清新嘅中場休息菜，腐皮滑溜，菜爽甜。 原隻蟹粉蒸小籠包一籠一隻，皮薄餡靚，蟹粉鮮味突出，湯汁豐富，食嗰陣真係要小心燙口。 最後桂花酒釀丸子作結，酒釀香氣溫和，丸子煙韌，甜度克制，唔會話好膩。 整體嚟講，呢個套餐份量足，食材配搭有心思！ ...✨个園竹語🚦尖沙咀廣東道3-27號海港城港威商場3樓3202號舖...#个園竹語 #上海菜 #珍饈十味 #海港城美食.. . ฅ՞•ﻌ•՞ฅ♥ Follow me 𖥧 𖥧 𖧧 ˒ ♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life ♬*ﾟ小紅書｜點評點評 Lv7 💕 在香港的嘉 ♬*ﾟULifestyle 200k +views ♬*ﾟ Google Map Lv7
