#灣仔美食同愛食日本菜的朋友去灣仔搵食，想搵個地方坐低慢慢傾偈，就揀咗呢間「大眾酒場小箱」。東京過江龍嘅新分店，仲有日本廚師主理，所以特登嚟試吓。 入到去真係好有氣氛，木系裝潢加埋牆上嘅日式海報，成個感覺好似去咗日本當地嘅居酒屋咁。最驚喜係連店員都講日文，真係有種去咗旅行嘅錯覺，成件事好有代入感。 煙燻醃蘿蔔忌廉芝士, 呢個配搭超有驚喜，芝士嘅滑身同漬物嘅酸爽好夾，用嚟做前菜好開胃。 燒牛舌，厚切有咬口好爽脆，調味啱啱好，唔會太鹹，大推。 炸豬腳, 外皮炸到金黃色，咬開仲有少少膠質黏口，好惹味。 沖繩豆腐炒豚肉，豆腐口感特別，唔係平時食開嘅滑豆腐，帶少少煙韌，配埋蔬菜炒好清新。 重點當然係卷物, 碎蔥吞拿魚腩壽司卷同松葉蟹三文魚子壽司卷都超足料, 滿到瀉，吞拿魚腩蓉好香好滑，三文魚籽咬落爆汁，松葉蟹味道清新, 整體味道平衡。 Highballs 而家做緊半價, 搵個地方同朋友摸下杯底、傾下偈，呢度係一個唔錯嘅選擇呢。 ..✨大眾酒場 小箱🚦灣仔汕頭街32號地舖...#香港居酒屋 #日本餐廳 #wanchai #灣仔.. . ฅ՞•ﻌ•՞ฅ♥ Follow me 𖥧 𖥧 𖧧 ˒ ♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life ♬*ﾟ小紅書｜點評點評 Lv7 💕 在香港的嘉 ♬*ﾟULifestyle 200k +views ♬*ﾟ Google Map Lv7
