#尖沙咀放假梗係要對自己好啲！終於可以擺低深圳嘅工作，返嚟香港抖吓氣，約咗個朋友喺尖沙咀食點心。 新港中心位置超方便，燈光幾柔和，卡位坐得舒服，傾計就啱晒。 🦆沙田乳鴿｜佢哋嘅招牌菜之一，有優惠價。上枱熱辣辣，皮脆肉嫩，咬落去仲有肉汁，完全唔會乾柴，醃得幾入味但又唔會過鹹，呢個價錢來講收貨有餘 。 🖤黑金流沙｜賣相型格，黑色嘅包身加金色紋理。趁熱搣開，入面嘅鹹蛋黃流沙餡即刻湧出嚟，夠晒流心，味道鹹鹹香香，同軟熟嘅包皮好夾 。 🦞招積和牛盞｜呢個有驚喜！外皮酥脆，入面嘅餡料用咗和牛，加埋黑椒調味，食落比起傳統嘅豬肉餡更有咬口同肉香，又鹹又香，好惹味 。 🦀非常山竹｜打卡必叫！外型真係好似山竹，連頂部嘅葉仔都好精緻 。外皮係鹹水角嗰種煙韌口感，咬開入面係濃郁嘅龍蝦汁，仲有一絲絲嘅蟹肉，熱辣辣食真係有爆汁效果，味道鮮甜 。 🌊玉帶鳳珠｜呢個係帶子加鮮蝦嘅配搭，食落幾彈牙，味道清新，啱啱好平衡返其他濃味嘅點心 。 🍐鳳凰香梨｜造型幾盞鬼，成隻梨咁，入面係黑椒雞肉餡，外皮微脆，帶少少黑椒嘅刺激感 將傳統點心玩出新花樣，唔單止啱打卡，味道亦都兼顧得到。趁假期遠離工作，同朋友慢慢嘆個茶，傾傾講講又一晚。...✨唐宮小聚🚦尖沙咀廣東道30號新港中心3樓303號舖.. .#唐宮小聚 #手工點心 #點心 #尖沙咀美食.. . ฅ՞•ﻌ•՞ฅ♥ Follow me 𖥧 𖥧 𖧧 ˒ ♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life ♬*ﾟ小紅書｜點評點評💕 在香港的嘉 ♬*ﾟULifestyle 200k +views ♬*ﾟ Google Map Lv7
