#汕頭美食來一趟短短嘅潮汕之旅，除咗睇風景，最重要梗係食好西。今次專程去汕頭，試咗間街坊推薦嘅春梅裡鹵鵝館，果然無失望。 創立於1977年，將近半世紀嘅老字號，門面古色古香，掛住紅燈籠，牆上仲有英歌舞壁畫，好有潮汕傳統風情。平日夜晚都幾乎滿座，好彩早少少到。 【鹵鵝全拼】 嚟到必點招牌鹵水拼盤，可以揀三拼或全拼。用上獨家秘製鹵水，鹵香醇厚又唔會過鹹。最驚喜係鵝肝，質地超嫩滑，入口 creamy；鵝腸處理得乾淨，爽脆有咬口；鵝肉色澤紅亮，肉質鮮嫩唔柴，咬落 juicy，滲出淡淡鹵水香；鵝翅入味夠透，有嚼勁之餘仲食到滿滿膠質，果然係招牌。 【豆醬焗膏蟹】 膏蟹肥美，蟹蓋滿滿蟹膏，用潮汕特色豆醬一齊焗，鹹香突出咗蟹肉嘅鮮甜，鑊氣十足，食到舐舐脷。 【檸檬石斑魚】 魚肉新鮮結實，蒸得啱啱好。湯底加入檸檬同潮汕鹹菜，酸酸辣辣好開胃，完全無腥味，清新得嚟又惹味。 【爆炒鵝腸】 新鮮鵝腸用大火快炒，質地爽脆彈牙，配埋蒜蓉辣椒，香口又夠鑊氣，係最佳白飯小偷。 【整顆椰子燉烏雞湯】 原個椰子燉，湯頭清澈，飲落超級清甜，帶淡淡椰子香。烏雞燉得好腍，滋補得嚟又唔油膩。 【石橄欖龍骨湯】 潮汕人最識煲湯，石橄欖清熱解毒，配龍骨燉出嚟嘅湯好順喉，飲完成個人舒服曬。 【黑松露炒飯】 炒飯粒粒分明，黑松露香氣突出，配料豐富，簡單但好食。 【大地魚芥蘭】 芥蘭嫩口無渣，大地魚乾嘅鹹香炒入菜度，提升咗菜蔬嘅鮮味，好有住家 feel。 整體嚟講，呢度嘅菜式傳統得嚟有水準，用料新鮮，價錢合理。如果想體驗地道潮汕味，呢間老字號值得一試。 ...✨春梅裡鹵鵝館🚦金平區黃崗路3好1號居民樓 ⏰週一至周日 08:30-20:30...#港人北上 #潮汕旅遊 #汕頭打卡 #汕頭攻略 . . ฅ՞•ﻌ•՞ฅ♥ Follow me 𖥧 𖥧 𖧧 ˒ ♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life ♬*ﾟ小紅書｜點評點評 Lv7 💕 在香港的嘉 ♬*ﾟULifestyle 200k +views ♬*ﾟ Google Map Lv7
