#屯門美食工作後經過屯門卓爾廣場，心思思又去咗厚興瑜記手撕雞。全港第一間手撕雞堂食店，之前試過佢哋嘅手撕雞已經念念不忘，今次專程嚟食下午茶。 🥐芝士手撕雞牛角包配特色薯仔沙律 牛角包焗得微暖，外層鬆脆。入面嘅手撕雞保持一貫水準，嫩滑無雪味，配上芝士片及新鮮蕃茄，簡單配搭已經好滿足。伴碟嘅薯仔沙律幾有驚喜，唔係一般溝好多沙律醬嗰種，食到粒粒薯仔同蔬菜，感覺清爽, 唔喜愛呢類沙律的我, 竟然全部食晒。 🍜迷你胡麻醬手撕雞撈麵 雖然話迷你，但份量做下午茶啱啱好。面頭鋪滿手撕雞，胡麻醬份量恰到好處，撈勻之後每條麵都掛滿醬汁，麵質爽口唔會腍，仲有青瓜絲, 好開胃。 🍊柚子蜜水晶奇亞籽 飲品揀咗呢杯，柚子蜜清甜，加埋奇亞籽，口感豐富又唔會太甜。 🧋鮮奶水晶華田 另一杯係經典華田配鮮奶，華田味唔會水汪汪，加埋水晶珠增加咬口，簡單但令人滿足。 join咗會員除咗有好多優惠，呢個下午茶餐仲可以$20就食到，真係幾抵。...✨厚興瑜記手撕雞 (卓爾廣場) 🚦香港屯門石排頭徑1號卓爾廣場2樓202C號舖 ...#厚興瑜記手撕雞 #hkfoodie #手撕雞 #平民食堂 ...ฅ՞•ﻌ•՞ฅ♥ Follow me 𖥧 𖥧 𖧧 ˒♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life♬*ﾟ小紅書｜大眾點評 Lv7 💕 在香港的嘉♬*ﾟULifestyle 200k +views♬*ﾟ Google Map Lv7
