#深圳一日遊小朋友捱完考試，當然要獎勵下。今次過關去深圳卡魯冰雪世界，一個大型室內氣膜滑雪館，被授牌為「廣東省冰雪運動訓練基地」，夠晒規模。 場館印象 場地佔地夠大，室內恆溫維持在-5°C，一入去就好有凍感。雪質摸上去鬆軟，接近自然雪粉，踩上去有「沙沙」聲。場館分開滑雪區同娛雪區，動靜皆宜。 🏂 滑雪區體驗 滑雪道長約100米，屬於初級道，旁邊有魔毯（傳送帶）送上坡，對新手同小朋友好友好。場內有卡魯滑雪訓練中心的專業教練，見好多人上緊課。 ❄ 娛雪區放電 呢部分就係我哋主要放電區！玩咗滑雪圈同冰滑梯，速度感十足。小朋友最鍾意拉雪橇同打雪仗，仲有堆雪人區域，玩到唔捨得走。設施足夠，夠玩大半日。點擊圖片放大 +4 配套服務 綜合服務館都幾大，有餐吧可以補充能量，租賃區嘅基礎服裝同裝備已包在門票內，自己只需準備手套就得（現場亦可買）。更衣區、儲物櫃都齊全，安排算順暢。 活動加映 我哋去嗰日，正好撞到「馬年玩雪‧挖寶祈福」嘅週六限定雪地挖寶活動，工作人員會將紅色中獎球藏喺娛雪區嘅雪地裡，小朋友好似尋寶一樣周圍發掘。搵到之後，可以去服務台兌換獎品。 交通備忘 地點在龍華區觀瀾湖生態運動公社內。自駕導航「觀瀾湖生態運動公社停車場」最方便。地鐵則乘4號線到觀瀾湖站A出口。 小貼士 場內真係凍，建議自備防水厚手套（玩雪必備）同襪子。手機電池好快耗盡，記得帶充電寶。如果即日來回，規劃好時間就好充裕。 🌹 情人節專屬：雪地玫瑰互動 雖然我哋係親子遊，但都留意到場地為2月14日準備咗特別活動。據悉當日情侶可以喺指定位置領取皂製玫瑰花，用嚟打卡拍照。如果將相片分享至社交平台，更有機會參與抽獎，獎品係純金小金馬吊墜，都幾有心思。 🎁 節後打卡：每日離場抽獎 另外，由2月17號直到3月3號，每日離場前記得去做最後一步：喺指定打卡位拍照留念，然後就可以參與抽獎。獎品同樣有純金小金馬，仲有各種冰雪世界嘅福利券，離開前博個彩蛋，玩樂體驗更圓滿。...✨卡魯冰雪世界 🚦廣東省深圳市龍華區觀瀾湖生態運動公社內 ⏰2月份營業時間: 10:00-22:00 🚄地鐵：4號線觀瀾湖站A口 🚌巴士：觀瀾湖地鐵站②站 🚗自駕：【觀瀾湖生態運動公社停車場】第一小時10元，後5元/h，24小時內最高收費30元。【觀瀾湖新城MH MALL停車場】前3H免費停，第四個小時收取10元，第五個小時開始收取5元/小時，每日封頂25元。 https://hk.trip.com/travel-guide/attraction/shenzhen/karoo-ice-and-snow-world-136469987https://www.klook.com/zh-HK/activity/89767-karu-ice-world-shen-zhen/. . . #深圳滑雪 #卡魯冰雪世界 #娛雪 #觀瀾湖 #katkatlifechina . . . ฅ՞•ﻌ•՞ฅ♥ Follow me 𖥧 𖥧 𖧧 ˒ ♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life ♬*ﾟ小紅書｜點評點評 Lv7 💕 在香港的嘉 ♬*ﾟULifestyle 200k +views ♬*ﾟ Google Map Lv7
