#尖沙咀 同好朋友慶祝生日，梗係要揀間大家都鍾意嘅日本菜！今次嚟到尖沙咀嘅「渡邊屋」，店面唔大，但勝在專注——有可以睇住師傅手勢嘅席前吧枱，亦有適合傾偈嘅高身圓枱。我哋掛住吹水，當然揀咗舒適嘅圓枱慢慢坐、慢慢食 🍶 ✨ 時令活蠔配海葡萄 岩手縣赤崎生蠔肥美飽滿，海水味清新，配上卜卜脆嘅海葡萄，口感層次瞬間昇華！ 🐙 八爪魚香草汁 選用北海道石爪，肉質爽彈得嚟唔會韌，淡淡香草汁吊出鮮味，簡單卻見功夫 🍣 本鮪壽司盛盒 長崎直送赤身、中拖羅、大拖羅，由淡至濃一次過滿足！油脂甘香嘅拖羅腩碎軍艦，入口即化，餘韻悠長 🍱 渡邊屋壽司盛盒 真鯛清雅、間八豐潤、海胆濃郁、牡丹蝦甜糯、帶子鮮嫩… 每款都係時令之選，鮮度滿分 🎁 三文魚籽神秘盒子 打開一刻先知係角切魚生飯！師傅每日按時令食材調配，魚生新鮮香甜，撈埋醋飯食，每一啖都係驚喜 🍜 牛肉湯烏冬 湯底清甜唔油膩，烏冬滑溜，食完咁多款魚生之後嚟碗熱湯，暖心又暖胃 渡邊屋嘅環境細緻得嚟唔浮誇，燈光柔和，坐得舒服。師傅對食材嘅堅持同處理手法，喺每道菜都感受得到。今次慶生飯局，大家都食得盡興，傾得開心！已經約定下次再嚟試佢嘅Omakase 👌🏻...✨渡邊屋🚦香港尖沙咀棉登徑13-15號地舖@watanabeya_sushi.. .#渡邊屋 #日本菜 #Watanabe-Ya #sushi#尖沙咀美食 #香港美食 #相機食先 #記錄生活 #hkig #blogger #youtuber #instagood #foodieHK #foodblog #foodies #hkfoodie #foodie #ublogger #foodlover #foodblogger...ฅ՞•ﻌ•՞ฅ♥ Follow me 𖥧 𖥧 𖧧 ˒♬*ﾟ Insragram @katkat_life ♬*ﾟYouTube｜Ublog｜Ulifestyle｜TripAdvisor｜Trip.com｜Facebook 💕 katkat_life♬*ﾟ小紅書｜大眾點評 Lv7 💕 在香港的嘉♬*ﾟULifestyle 200k +views♬*ﾟ Google Map Lv7
