新年將至，28號就係農曆初一。唔知大家打算點慶祝呢？有d人就會選擇去外地旅遊；有d人選擇去拜年逗利是；有d人決定新年留喺喺屋企，做自己鍾意做嘅事。其實做每一樣嘢都係你嘅自由，但係新年真正嘅意義又係咪真係咁簡單呢？ 新年呢個咁特別嘅日子好多人選擇去拜年。呢個做法係非常正確。拜年係探望一啲你好耐冇見嘅親戚，佢哋都係你嘅長輩，你根本唔會時常見到佢哋。因為你參加嘅聚會好少見到一班長輩，我相信好多人都會約自己同齡嘅朋友一齊玩。但係喺新年，你更加要去拜年，去探訪親朋戚友。因為你平時好少會見到佢哋，所以你更加要好好珍惜呢個機會。 有啲人去左外地旅遊，冇錯係非常開心，好多人都好鍾意去旅行，包括我自己。但係我去旅行暑假做都一樣啫，點解你一定要揀新年呢？旅遊你可以喺暑假，可以喺復活節假，喺聖誕節假都可以。新年旅遊機票貴，又冇利是收，仲冇得見親戚，失去新年原有ge意義。 新年最重要嘅唔係你有冇去過旅遊，唔係你收左幾多利是，佢哋通通都只係配角。但新年嘅主角其實係同一家人團聚。心動不如行動，大家記得喺新年嘅時侯去拜年喇！ 我在此祝各位新年快樂，身體健康。各位讀緊書嘅學生，祝你哋學業進步，科科攞A。祝各位打工一族可以愈做愈有mood Happy New Year
