趁住學校假期，我哋快閃咗澳門兩日一夜。 因為天雨關係冇得玩公園，所以全部行程都留喺室內。 澳門之旅第二站我哋去咗新濠影匯，都新新地嘅滿紛樂園又大又多嘢玩， 一個票價可玩足一日，可以盡情放電！ *只限入場一次，最好醫好肚先入嚟呀！ 樂園分咗4層，共5大區域，我哋先玩咗最多遊玩設施嘅L3樓層。 山岩主題區 (由於人唔多，可以即時預約即時玩。) 猴子繩堡，以繩索障礙挑戰構成，有13個台階同17項唔同障礙場地。小朋友可以喺下面玩，有工作人員照顧，而我就上咗上面嗰層挑戰自己。 竹林登梯，運用平衡力，跨越12條唔同高度嘅柱子，終點最高達垂直4米的。 赤手登峰，有6條6米高唔同難度嘅攀岩路線可攀登。 叢林主題區 奇趣樹屋，由繩結橋連接3座大型樹屋，頂層仲有4米高嘅滑梯，連接五樓樹屋餐廳。開頭以為滑梯咁長會好驚，點知原來諗多咗，完全唔驚。 叢林反斗車，可以駕駛電動車於叢林及奇趣樹屋下嘅隧道奔馳。 樹屋餐廳及電玩區位於L5，玩到攰可以去休息一下嘅地方。另有電玩遊戲玩，及輕食售賣。 海底主題區 泡泡紛FUN堡佔地2,400平方呎，滙集 50組遊戲點，包括阻礙挑戰、滑梯、波波池，淨係呢度都有排玩。浪花彈彈塔，高達5米嘅自由落體機動遊戲，Jasmine話好刺激但係又好好玩，連續玩咗幾次。 外太空主題區 星球波波池位於L6，比較適合幼兒玩。 太空站主題區 太空彈彈網，以垂直通道連接6樓同7樓，可以於彈彈網任意遊走、彈跳、躍飛、攀爬。 炮彈發射台，可用波波球發射小炮彈，穿越機關軌道牆，了解物理重力如何運作。 總結樂園地方好大，小朋友可以盡情放電，大人又可以一齊玩，樂在其中。 而家佢哋仲做緊優惠套票， Link bit.ly/Playhousemacau 點擊圖片放大 +39 ↫↫↫↫ jαsmínє & mαmα ↬↬↬↬ Ublog, Girlssss, Esdlife 靚太Club, Mami Buy, KKday, Trip.com 駐站Blogger Facebook專頁：http://www.facebook.com/jasmineandmama Instagram：http://www.instagram.com/kathryn.Jasmine 聯絡電郵：f.kathryn@gmail.com
