早前同Jasmine外公外婆一齊遊澳門，慶祝母親節！一到埗我哋就去咗POLICAFE 波力主題餐廳，以韓國正式授權卡通嘅「救援小英雄」為主題。主角警車Poli同其他角色佈滿唔同角落，非常可愛！點擊圖片放大 +4 兒童玩樂區位於上層，我哋都喺上層用餐，要玩嘅時候就方便得多。雖然遊戲區地方唔算好大，但都幾多唔同嘅嘢玩，好似滑梯、波波池、波力警車、互動遊戲、模擬超市、扭蛋機、夾公仔機等⋯小朋友可以盡情放電！點擊圖片放大 +7 食物方面，種類選擇都幾多，總有一款啱你心意，而且味道都唔錯！我哋3大1小order咗兩個套餐：波力打卡必點2-3人餐 (內容可選其他)葡式蜆肉天使面意式軟殼蟹意大利飯芒果蟹子沙律爆打檸檬茶 x2點擊圖片放大 +3 波力薄餅屋必點單人餐(內容可選其他)四喜芝士黑毛豬焗飯波力招牌雞翼爆打檸檬茶 食物份量都算多，我哋食到好飽！特別推薦標示菜式，味道雖然少少偏甜，但廚師整得好夾好好味！ 場內不時會有人包場搞生日會，而我又咁啱五月生日，所以去咗生日主題backdrop前打卡 不得不讚揚店員嘅服務態度，有位店員知道我想搭的士返酒店，就主動問要唔要幫我call車，服務非常貼心！當日係星期日落好大雨，但lunch時段都好多人，所以想去呢間親子餐廳就要預約定喇！用餐時間：食加玩2小時假日最低消費：大人$100，1-7歲小童$60平時去普通餐廳唔止呢啲價錢啦，所以我覺得都幾抵玩！ 而家做緊套餐優惠低至64折優惠連結：bit.ly/policafeoffer↫↫↫↫ jαsmínє & mαmα ↬↬↬↬ Ublog, Girlssss, Esdlife 靚太Club, Mami Buy, KKday, Trip.com 駐站Blogger Facebook專頁：http://www.facebook.com/jasmineandmama Instagram：http://www.instagram.com/kathryn.Jasmine 聯絡電郵：f.kathryn@gmail.com
