如果要問香港人公認既偶像係邊個公認喎~我諗唔會係MIRROR 唔會係劉德華而係黃子華!!! 子華神由90年代既「男親女愛」已經好受大家歡迎做男主角﹑唱主題曲一首「藍藍天空高掛我的夢……」既琅琅上口又散播滿滿正能量之後既「棟篤神探」﹑「絕代商驕」﹑「MY盛LADY」……全部都係又好睇又好笑的經典劇D金句又字字珠機有哲學意味由打工到戀愛的道理佢都教晒你XD 但子華神最最出名既應該係佢既「棟篤笑」至岩作為香港棟篤笑既始祖我敢話佢既棟篤笑功力全港無人能及我自己都睇過其他人既SHOW齋TALK來講都真係好難冇悶場唯獨子華神既棟篤笑先做得到 我每一場都翻睇左不下十次係啊係十次以上而家場場我都可以倒背如流了自己個人最最最鍾意既係「冇炭用」講沙士講董伯伯佢係唯一一個我覺得講政治講時事可以講到既詼諧抵死又唔嚴肅令大眾容易接受 可惜人都終有老去既一日我都明要搞一個TALK SHOW真係要好強大既體力加上……香港已經唔係一個可以自由議論政治既社會啦……所以2018年佢個棟篤笑叫金盆浪口既時候我都知好可能係佢最後一場既棟篤笑以後冇機會再睇……但我當年搶唔到飛又唔想屈服於黃牛黨最後睇唔到現場 老實講我後悔左好耐好耐覺得就算黃牛都應該要買我明白黃牛可恥但係唯有子華神﹑子華神既SHOW真心令我到而家都仲後悔緊當年冇睇到有種人生一大遺憾既感覺錯過左搵唔返!! 點知峰迴路轉今年子華神又有舞台劇又有電影而今次!!!套舞台劇我有幸撲到正價票睇到舞台劇既質素超高又有深度睇完有D思緒擊中我心靈久久不去深感榮幸我睇得到係好值得睇既一套舞台劇我仲為此買左劇本集做留念同時又作為對自己既警醒 而部電影「飯戲攻心」當初係作為賀歲片上既冇事前做功課既我想坦白承認拿 問心果句睇係一定會入戲院睇但當初見係子華神既賀歲片係真係純盲撐冇期望既點解?UMMMM 老老實實……大家都知子華神電視﹑棟篤笑﹑人生哲學樣樣掂但係要導一套戲來講佢就……55大家明啦 A______A 點知質 素 超 高唔講剩係演員班底已經值得入場睇已經唔係因為子華都唔係因為陣容係個故事個劇本個對白都 好 正 !!!!我睇首映既時候全場觀眾係同我一樣又笑得大聲又喊得感動係一套貼地抵死﹑又可以首尾呼應到而且係真真正正拍比香港人睇既一套真正既港產片 七月果場首映一睇完我已經話九月正式上映既時候我一定要再入場睇多次唔係因為我錢多 (窮L女子)都唔再係因為我要盲撐子華神咁簡單係因為子華神既呢套戲~真心好值得再入場睇一家人食飯既老土故事一D都唔老土 子華神今年既2部作品都不謀而合地係講緊關於家庭既故事認識我既人都知我既家庭並唔和樂所以我對屋企從來都冇太多歸屬感但係隨著年紀漸長更多既經歷﹑體悟其實好多觀念同諗法都開始慢慢變緊……今次既睇完兩套子華既作品再一次心有戚戚然對人生﹑親情有一D新既感受…… 只可惜「最後禮物」舞台劇太貴同埋太難買一次已經難得但「飯戲攻心」呢~就可以一睇再睇隨你當笑片睇又好當親情片睇又好佢都係一套非常好睇值得入場既電影! 我睇第二次啦~你地睇左未?