講番單嘢！我老公幫我攞咗隻爛夾連埋張單去廣東道旗艦店，佢同店員說明後，店員 cleck下電腦後知隻夾唔喺香港買，好有禮貌咁招呼佢坐下先，跟住有個高級啲呀姐出嚟了解完，例牌 say sorry 先，解釋咗一輪(大概又吹LV的QC同質素點好點好)，所以要留低隻頭夾 俾佢地專家cleck下點解會咁。 跟住個呀姐好有禮貌帶咗我老公搭Lift 落地庫維修部，維修部個呀姐好小心 check過隻夾，再解釋一輪(同之前個呀姐講d差唔多)，話等1~2禮拜再電聯我喎， 嘩！使唔使咁耐呀，不過無辦法唯有等啦！個呀姐招呼週到等埋我老公，放低咗隻夾出過張新單送佢上番舖面走。 咦噤快！！只喺過咗兩日LV維修打俾我又say sorry，大概話：整唔番隻夾，可以換番同款貨品或同等價值的LV產品，我梗喺要番隻夾喇，香港賣成三千蚊，我喺米蘭買咗都喺二千頭，換其他嘢咪蝕好多，佢 check 下話新貨全港絕市，要等法國send 過嚟，但唔知幾耐要等覆，我喺意大利都喺得一間 LV有得賣，好失望呀！ 不過唔使幾個鐘個LV女仔又打俾我，話喺Dutyfree LV分店搵到有我要個款，可以隔日去番廣東道 LV攞，正呀！攪咗幾日鍾於有番隻新夾啦，攞個刻好開心， 覺得好 lucky！！跟我單嘢嗰女仔話會send番隻爛夾去法國總公司研究喎，關我鬼事咩，最緊要俾番隻新夾我！！！話時話 LV的service 真喺抵讚！佢話信心保證全球服務真喺做到唔喺「流」，抵佢賣咁貴其他牌子真喺行埋一面，但我都喺愛Chanel ！！！！ 我其餘二款LV頭夾 PS:唔記得影番隻新夾，等我今晚叫老公攪！
