米蘭拿破崙大街LV旗艦店 講開又講今次去歐洲買咗好多鍾意的手袋和飾物，真喺都好開心，我長頭髮所以頭夾都買唔少，Chanel當就有喇，但佢地色唔多，首選喺水晶石又多閃到飛起的頭夾名牌「Alexander 」啦，不過佢轉咗代理無噤方便，哩單嘢遲 d 再講，講返喺米蘭 LV買咗隻今年熱爆的橙色夾，又Sharp又是闊身的大Size的，好鍾意，個 Sales話只得一隻無新貨，Check 下試過無問題咪碌咭走人，200幾蚊歐羅(未退稅)抵到爛。 返到香港梗喺身痕即刻用喇，夾 咗上個頭幾靚，返到舖頭啲客都話靚正，開心咗一日，返到屋企就知衰啦，個頭痛痛地，似有嘢吉住，諗住除咗隻夾睇下，點知勾住d 頭髮除唔到，仲好痛，咪大叫老公救命，攪咗好耐先除到。 哎也！點解斷咗？？我夾 咗一次，一日咋， LV 喎！無理由咁「流」，之前我都買過一隻，都無事，哩d 咁上下款頭夾我舖頭大把得賣，幾百蚊貨仔夾幾年都無試過斷，諗嚟諗去都唔明。 好可憐！！好慘！！好勞氣！！老公見我噤，研究咗一輪，話應該喺嗰夾質素問題，唔關我事，佢話攞返去 同LV佢地講。 PS:寫住咁多先有熟客嚟咗....... 流行文化, 綜合 回應 (1) 引用 (0) 永久連結 訂閱回應RSS摘要 BOOF 2012年3月12日上午3:25 請問K 姐Alexander 可以在香港邊買到呀?西武好似已經無買喇~ 回覆
