其實呢篇文擱置左好耐。。。 上次染左隻較淺色的，又係自染的，連我御用髮型師都讚我染得均勻 但由於較淺色，黑頭髮一長就變左討厭的布甸頭.\田/. 所以又係時候自染了~ 一向都係L’Oreal用家, Relvon的我用過, 但用後髮尾係會爛架!! (大概係佢D藥水的問題) 所以還是鐘情於L’Oreal 今次選了L’Oreal Paris Feria 3D Color ── 02黑朱古力 我看上了 “3D立體科技”，就這樣鑄成大錯，唉～ 入面有說明書2張、手套一對、染髮膏1劑、染髮膏2劑、護髮素 打開染髮膏2劑，加入染髮膏1劑，搖勻會變左啡綠色 我會分開頭髮2、3份染，先染左底層既頭髮，再染面果層 我用膠袋包住焗30min，又唔會滴到周圍係 (可以用吹風機加熱焗架) 30min後就可以洗頭，再用護髮素 看看染前染後的對比 染前的布甸頭真係可惡! 染後明顯我個頭深色返好多，但。。。(請留意右上圖)竟然2截色囉可惡!!!!! 一諗到再生黑頭髮出黎會變3截色 (我想搵洞躲起來) 個盒仲貼住 “日本No. 1”，完全有受騙的感覺 我有事後檢討過架，可能焗30min唔夠耐? 但之前一直都係咁染都冇出過事架喎~ 定係之前既頭髮太金、太淺? ~.~ 不過事隔多月，已經甩甩地色，又淺返D喇 變左朱古力色 不過我真係唔會再買呢個系列!!
