因為一些原因，早前有半年時間都跟媽媽搬去阿婆家暫住。回想起那半年，真不知自己是如何捱過的。本身阿婆性格固執、自我、脾氣差、喜歡擺款，亦自侍自己是長輩就以為高高在上侍老賣老，覺得人地服侍她是應份理所當然，又多口鍾意串人，咩都要話你一句先安樂，是撩交嗌的高手。住了半年，大吵大鬧過不下5、6次，每次都吵得面紅耳熱，全層樓都聽到咁滯。阿婆最鐘意就係牙擦擦拋下一句：「呢到我屋企黎架，我大曬架，趕你走呀啦，唔俾你住呀！我叫保安黎趕你走！」一個需要別人幫她煮飯、執屋的人，擺什麼巴閉款？阿婆對住性格同樣火爆的媳婦就乖乖不敢出聲，在媳婦到受了委屈都不敢駁斥，對住我和媽媽就聲大夾惡判若兩人，欺善怕惡的把怒火轉移我們身上。阿婆最叻仲有唔認數。呢頭火爆鬧完人，轉頭就扮曬野：「我幾時鬧過你呀！我無講過！」懶巴閉咁叫我媽：「你唔鐘意就唔好再黎我呢到啦！」轉頭又淆底話「我無講過呀！我邊有講過呀！」聽聞其他人的例子，一直都知道和老人家同住是辛苦的事情，大家年代不同，價值觀不同，很難可以和諧，但親身感受過後，還真認同和老人家同住是超級辛苦的事情，很明白那些要和奶奶同住的媳婦是何等艱難！
