失眠,訓唔著。大部分情況下,得一個原因--諗野諗到訓唔著。究竟有咩好諗,會諗到訓唔著?無架,就真係咩到諗,總之個腦係咁轉係咁轉,通常會諗到訓唔著既野,都未必係D關乎人生大事既煩惱,但就是一D諗唔通、或者係無答案既事情。同埋,分分鐘都仲一D唔為意既人生哲學煩惱。總之可能係諗D無關痛養,好傻豬既概念,但又係做人一定都會諗下既事情。 1,人生在世,到底為咩? 每日起身,擦牙洗臉,出門返工/返學,吃喝玩樂,夜晚再擦牙洗臉,然後訓覺。年年月月,一復一日,到底人生在世,個意義係……? 2,點解人要訓覺? 諗完人生在世,到底為咩,之後就會諗,點解人既生活模式要係咁:一復一日,人點解要訓覺?唔駛訓既話人咪可以多D時間用囉……我知人要訓覺比大腦休息,回復身體機能,而我始終都係會諗既係……咁點解人要訓覺? 3,人既靈魂係邊度黎? 我知人係點黎既,科學解釋左。但人既生命呢?靈魂係D咩東東?係邊到黎?死左我地又會變成點?灰飛煙滅?虛無的狀態?咁追溯返出世之前啦,我地的狀態又係D咩?完全無任何感知。完全搵唔到貼切既形容詞去形容呢個咁虛無既狀態。 4,個宇宙係咪無限大? 望住個星空,就會諗,個宇宙係咪無限大呢?如果係,咁「無限」即係點。如果唔係無限,咁宇宙之外又係D咩? 5,個世界真實的顏色係點? 我地睇到個蘋果係紅色,只係我地眼睛望到係紅色之嘛,個蘋果本質又有可能唔係紅色……到底個世界真實既色彩係點?同我地睇到既有無分別?真係無人知。 6,如果有時光機…… 如果有時光機,咁個世界咪會亂成一團?過去、現在、未來係環環相扣架喎……除非真係有平行世界。 7,如果…… 如果當初我無咁做到,依家既我又會點?如果我依家咁樣做,未來既我、個結果又會點?早知當初就點點點啦,唔係依家就唔會咁。訓唔著,就係成晚諗D「如果」,假設呢樣、假設個樣…… 8,點解我咁多野諗既?